რუხსა და გორში ოკუპირებული ტერიტორიებიდან გადმოსული მოქალაქეების ვაქცინაციისთვის სპეციალური სივრცე მზადდება

დაავადებათა კონტროლის ეროვნული ცენტრის ხელმძღვანელის ამირან გამყრელიძის განცხადებით, რუხსა და გორში ოკუპირებული ტერიტორიებიდან გადმოსული მოქალაქეების ვაქცინაციისთვის სპეციალური სივრცე მზადდება.

როგორც გამყრელიძემ აღნიშნა, დაავადებათა კონტროლის ცენტრს აფხაზეთთან რუტინული ვაქცინაციების მიწოდებასთან დაკავშირებით გამოცდილება აქვს.

„ოკუპირებულ ტერიტორიებზე მცხოვრები მოქალაქეების ვაქცინაციის საკითხი საკოორდინაციო საბჭოზეც იქნა განხილული. თუ აფხაზეთიდან გადმოსული ადამიანები მოისურვებენ ვაქცინაციას, ამისთვის რუხის კლინიკა სპეციალურად მზადდება, ან თუ „სამხრეთ ოსეთიდან“ გადმოვლენ, გორშიც შეიძლება ვაქცინაცია. სამინისტრო ამ საკითხზე მუშაობს. აფხაზეთთან ამ მიმართულებით მუშაობის გამოცდილება არსებობს. რუტინული ვაქცინების დიდი ნაწილი მიეწოდება აფხაზეთს სწორედ დაავადებათა კონტროლის ცენტრიდან, ასევე შიდსის, ტუბერკულოზის საწინააღმდეგო მედიკამენტები. ეს ურთიერთობის ფორმა არსებობს“,- განაცხადა გამყრელიძემ.

რაც შეეხება საქართველოში მუდმივად მცხოვრებ უცხო ქვეყნის მოქალაქეებს, რეზიდენტებს, მათ სურვილის შემთხვევაში ვაქცინაცია უპრობლემოდ შეეძლებათ.

როგორც დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა, ამირან გამყრელიძემ აღნიშნა, საკითხის განხილვა სამინისტროში არსებულ იმუნიზაციის საბჭოზე განიხილება.

„ეს დიდი პრობლემა არ არის, იყო რამდენიმე ასეთ ქართველ პიროვნებაზე საუბარი. სამინისტროში არის იმუნიზაციის საბჭო და ვფიქრობ, ეს საკითხი დადგება და განიხილება. მე ვერ ვხედავ აქ პრობლემას, ერთეული ადამიანები არიან“, - განაცხადა გამყრელიძემ.

ცნობისთვის, საკითხს 828-ე დადგენილება არეგულირებს, რომლის მიხედვითაც, დამტკიცებული იმუნიზაციის პროგრამის მოსარგებლეები არიან როგორც საქართველოს მოქალაქეები, ასევე საქართველოში მუდმივად მცხოვრები პირები და ოკუპირებულ ტერიტორიაზე მცხოვრები მოქალაქეები.

იხილეთ ვიდეო: რუხსა და გორში ოკუპირებული ტერიტორიებიდან გადმოსული მოქალაქეების ვაქცინაციისთვის სპეციალური სივრცე მზადდება

რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
ქართული პრესის მიმოხილვა 21.10.2021
დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
LEXUS-ი წარმოგიდგენთ უახლეს ფლაგმან მოდელს LX 600
ჩაირთე „სილქფესტი“ და ისარგებლე ულიმიტო ინტერნეტით და სასაუბრო წუთებით უსასრულოდ, მთელი თვის განმავლობაში
„მიჰაუსში“ გრანდიოზული ფასდაკლება დაიწყო
„ჯიპიაი ჰოლდინგმა“ და „ჯი ეს ემ ტრანსმა“ თანამშრომლობის მემორანდუმი გააფორმეს
"ავერსსა" და "კავკასიის უნივერსიტეტს" შორის თანამშრომლობის მემორანდუმი გაფორმდა
ინვესტიცია გუდაურის ოპერირებად სასტუმროში
აზიის განვითარების ბანკმა საქართველოში საცხოვრებელი სახლების პროექტების მდგრადი განვითარებისთვის $10 მილიონიანი სესხი დაამტკიცა
კახა ოქრიაშვილი „ქართული ოცნების“ საარჩევნო კლიპთან დაკავშირებით განცხადებას ავრცელებს