დავით ზალკალიანსა და საქართველოში გაერო-ს განვითარების პროგრამის მუდმივ წარმომადგენელს შორის შეხვედრა გაიმართა

საქართველოს ვიცე-პრემიერს, საგარეო საქმეთა მინისტრს, დავით ზალკალიანსა და საქართველოში გაერო-ს განვითარების პროგრამის მუდმივ წარმომადგენელს, ლუიზა ვინტონს შორის, რომელიც მარტის ბოლოს საქართველოში მისიას ასრულებს გამოსამშვიდობებელი შეხვედრა გაიმართა.

საგარეო საქმეთა სამინისტროს ინფორმაციით, შეხვედრის ფარგლებში განხილული იქნა UNDP-ისა და საქართველოს შორის ნაყოფიერი თანამშრომლობის მრავალმხრივი მიმართულებები, რომლებიც მოიცავს ეკონომიკური განვითარების, დემოკრატიული მმართველობის, კრიზისის პრევენციისა და მისი შემდგომი რეაბილიტაციის და გარემოსდაცვით სფეროებს.

„ყურადღება გამახვილდა საქართველოში მდგრადი განვითარების მიზნების ნაციონალიზაციისა და მათი განხორციელების ხელშეწყობის კუთხით, UNDP-ის მიერ გაწეულ ძალისხმევაზე.

მხარეებმა ისაუბრეს UNDP-ის ქვეყნის დოკუმენტის თაობაზე, რომელიც განსაზღვრავს 2021-25 წწ., საქართველოსა და UNDP-ის შორის თანამშრომლობის გეგმას და მიზნად ისახავს საქართველოში ევროინტეგრაციისა და მდგრადი განვითარების მიზნების იმპლემენტაციის მხარდაჭერას.

შეხვედრის ფარგლებში საუბარი შეეხო ასევე რუსეთის მიერ ოკუპირებულ საქართველოს რეგიონებში არსებულ მძიმე ჰუმანიტარულ ვითარებას.

დავით ზალკალიანმა მადლობა გადაუხადა UNDP-ის მუდმივ წარმომადგენელს ნაყოფიერი თანამშრომლობისთვის და მას წარმატება უსურვა მომავალ საქმიანობაში”,-აღნიშნულია გავრცელებულ ინფორმაციაში.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა