საქართველოში ევროკავშირის ელჩი კარლ ჰარცელი ხაშურისა და მისი მიმდებარე დასახლებების წყალმომარაგებისა და წყალარინების სისტემების რეაბილიტაციის პროექტის დაწყებას მიკრობლოგ „ტვიტერზე“ ეხმაურება.

„ევროკავშირმა და საფრანგეთის განვითარების სააგენტომ (AFD) მნიშვნელოვანი პროექტი დაიწყეს ხაშურის წყალმომარაგებისა და კანალიზაციის სისტემების გაუმჯობესებისათვის. ეს გულისხმობს სუფთა წყალს მოსახლეობისათვის და ლამაზი გარემოს უკეთეს დაცვას“,- წერს კარლ ჰარცელი ტვიტერზე.

რეგიონული განვითარებისა და ინფრასტრუქტურის მინისტრმა ირაკლი ქარსელაძემ დღეს განაცხადა, რომ ხაშურის 24 საათიანი წყალმომარაგების პროექტი ქვეყნისთვის ისეთივე მასშტაბურია, როგორიც გასულ წელს განხორციელდა ზუგდიდში, ქუთაისსა და ჭიათურაში.

ხაშურისა და მისი მიმდებარე დასახლებების, წყალმომარაგებისა და წყალარინების სისტემების რეაბილიტაციის დაფინანსების საგრანტო შეთანხმებას საქართველოს რეგიონული განვითარებისა და ინფრასტრუქტურის მინისტრმა ირაკლი ქარსელაძემ, საფრანგეთის ელჩმა დიეგო კოლასმა და საფრანგეთის განვითარების სააგენტოს (AFD) რეგიონული წარმომადგენლობის ხელმძღვანელმა რაფაელ ჟოზანმა ხელი მოაწერეს ხელმოწერის ცერემონიას ესწრებოდა ევროკავშირის ელჩი კარლ ჰარცელი ხელი მოაწერეს.

პროექტი, რომელსაც საფრანგეთის განვითარების სააგენტო, ევროკავშირი და საქართველოს მთავრობა აფინანსებს, ხაშურისა და მისი მიმდებარე დასახლებების (ზემო და ქვემო ოსიაურის, ცხრამუხას) წყალმომარაგებისა და ხაშურის წყალარინების სისტემის სრულ რეაბილიტაციას ითვალისწინებს.

აღნიშნულ ინფორმაციას, რეგიონული განვითარებისა და ინფრასტრუქტურის სამინისტრო ავრცელებს.