ეკა ბესელია - გიორგი გახარია პოლიტიკაში დარჩენის თაობაზე გადაწყვეტილებას დამოუკიდებლად არ მიიღებდა

მე მჯერა, რომ გიორგი გახარია თავისით, დამოუკიდებლად გადაწყვეტილებას პოლიტიკაში დარჩენის თაობაზე არ მიიღებდა, - ამის შესახებ პარტია „სამართლიანობისთვის“ ლიდერმა ეკა ბესელიამ „პალიტრანიუსის” გადაცემა „360 გრადუსში” განაცხადა.

მისივე თქმით, გიორგი გახარიას თანამდებობიდან გაშვება ბიძინა ივანიშვილს გადაწყვეტილი ჰქონდა, თუმცა ეს საკითხი რამდენჯერმე გადაიდო, რადგან სხვადასხვა კრიზისული პერიოდი ემთხვეოდა.

„გახარიას სხვა გამოსავალი არ ჰქონდა, ივანიშვილს მისი გაშვება გადაწყვეტილი ჰქონდა, რამდენჯერმე გადაიდო ეს საკითხი - იანვარში, ახალი წლის პერიოდში და უფრო ადრეც რამდენჯერმე გადაიდო, სხვადასხვა კრიზისული პერიოდი ემთხვეოდა.

წარმოიდგინეთ, მისი პასუხისმგებლობით მოხდებოდა ისეთი რამის განხორციელება, რამაც მთელი საერთაშორისო საზოგადოების კრიტიკა გამოიწვია და მას შეაწმენდნენ ისევ ხელს და რატომ აიღებდა ამას თავის თავზე, როდესაც ისედაც ხედავდა, რომ მას შიგნით დასაყრდენი არ ჰქონდა. არასდროს არ ჰქონდა ძლიერი დასაყრდენი მიუხედავად იმისა, რომ გახარია ბევრს ჯობია იმ გუნდში, არც შევადარებ კობახიძეებს და სხვებს. მასთან ყოველთვის შემეძლო საუბარი, როგორც ინტელექტუალურ ადამიანთან და არ შემიძლია მაგალითად, კობახიძეს ველაპარაკო, არც მას შეუძლია. ამის მიუხედავად შიგნით მას ძლიერი დასაყრდენი არ ჰყავს.

გამორიცხვის პრინციპით რაც შემიძლია გითხრათ - მე მჯერა, რომ გახარია თავისით, დამოუკიდებლად გადაწყვეტილებას პოლიტიკაში დარჩენის თაობაზე არ მიიღებდა. აი ვისთან და რის გამო და ვისი ხელშეწყობით მიიღო ეს გადაწყვეტილება - ეს არის მთავარი კითხვა, რომელიც მე არ ვიცი და გამოჩნდება”, - განაცხადა ბესელიამ.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა