რუსთავის პენიტენციურ დაწესებულებასთან, სამოქალაქო აქტივისტებმა „ერთიანი ნაციონალური მოძრაობის“ თავმჯდომარის, ნიკა მელიას მხარდასაჭერი აქცია-პერფორმანსი გამართეს.
აქციის მონაწილეებმა პარლამენტიდან რუსთავის პენიტენციურ დაწესებულებამდე ავტოკოლონებით მსვლელობა მოაწყვეს.
ამასთან, მათ „კომენდანტის საათს" დაუმორჩილებლობა გამოუცხადეს.
სამოქალაქო აქტივისტებმა ნიკა მელია შეძახილებით გაამხნევეს და სკანდირებდნენ:
„თავისუფლება ნიკა მელიას", „თავისუფლება ყველა პოლიტპატიმარს".
ამასთან, აქციის მონაწილეებმა რუსთავის პენიტენციურ დაწესებულებასთან საქართველოს ჰიმნი შეასრულეს.