კახა კუჭავა - როცა მეორე მხარე ამბობს, ჩემგან კომპრომისი ის არის, რომ მე შენთან მაგიდასთან დავჯექი და გესაუბრებიო, ეს ვერასოდეს იქნება საწინდარი, რომ შეთანხმება შედგეს

როდესაც მეორე მხარე ამბობს, რომ ჩემგან კომპრომისი უკვე ის არის, რომ მე შენთან მაგიდასთან დავჯექი და გესაუბრებიო - ეს, რა თქმა უნდა, ვერასოდეს იქნება საწინდარი, რომ შეთანხმება შედგეს, - ამის შესახებ პარლამენტის თავმჯდომარის მოადგილემ, კახა კუჭავამ „პალიტრანიუსის“ გადაცემა „360 გრადუსში" განაცხადა.

ამასთან, კუჭავას შეფასებით, 15 მაისს, აქციის დაგეგმვა ოპოზიციის მხრიდან პირდაპირი მინიშნებაა იმის, რომ ისინი არანაირ მოლაპარაკებაზე, შეთანხმებაზე და კომპრომისზე წასვლას არ აპირებენ.

„აუცილებელია, რომ იყოს შემხვედრი ნაბიჯები. როდესაც მეორე მხარე ამბობს, რომ ჩემგან კომპრომისი უკვე ის არის, რომ მე შენთან მაგიდასთან დავჯექი და გესაუბრებიო - ეს, რა თქმა უნდა, ვერასოდეს იქნება საწინდარი, რომ შეთანხმება შედგეს, ამიტომ კარგად უნდა დაფიქრდეს ყველა ის მხარე, რომელიც აი ასე ჯიუტად წინაპირობებით ცდილობს შეთანხმება არ შედგეს. ეს არის ძალიან მნიშვნელოვანი. ჩვენგან იყო და ყოველთვის იქნება მზაობა კონკრეტული შეთანხმების.

ჯერ არ იციან როგორ დასრულდება მოლაპარაკებები და უკვე გეგმავენ აქციას?! ანუ პირველ რიგში ნიშნავს იმას, რომ არანაირ მოლაპარაკებაზე და შეთანხმებაზე წამოსვლა არ აპირებენ, არანაირ კომპრომისზე წამოსვლას არ აპირებენ. ეს არის პირდაპირი მინიშნება ორი თვის თავზე აქციის დანიშვნის, მაგრამ აქ უფრო სხვა მიზეზიც მგონია, ამას ემატება ის, რომ მათ მხარდაჭერა რეალურად არ აქვთ მოსახლეობისგან და ცდილობენ ეს ორი თვე რაღაც მოიგონონ, რომ მაქსიმალურად შექმნან ეს მხარდაჭერა და ცოტა მეტი ხალხი გამოიყვანონ ქუჩაში", - განაცხადა კახა კუჭავამ.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 19.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება