რელიგიის საკითხთა სახელმწიფო სააგენტო ქართველ და მსოფლიოში მცხოვრებ ყველა ებრაელს ებრაული კალენდრის ერთ-ერთ უდიდეს - ფესახის (პასექის) დღესასწაულს ულოცავს.

ამის შესახებ „ინტერპრესნიუს“ რელიგიის საკითხთა სახელმწიფო სააგენტოდან აცნობეს.

ფესახი უფლის მიერ ებრაელების ეგვიპტელთა მონობიდან გამოხსნას ეძღვნება.

„ამ დღეს ებრაელები იერუსალიმის ტაძარს მოილოცავენ და უფუარ პურს - მაცას მიირთმევენ. ფესახი უფლისგან მოსული ხსნის - მონობისგან თავის დაღწევის, ებრაელთა ფიზიკური და სულიერი გადარჩენის სიმბოლოა“, - აღნიშნულია რელიგიის საკითხთა სახელმწიფო სააგენტოს მიერ გავრცელებულ ინფორმაციაში.