გლდანის რაიონის გამგეობა სხვადასხვა ინფრასტრუქტურულ პროექტს ახორციელებს. როგორც „ინტერპრესნიუსს“ თბილისის მერიიდან აცნობეს, საერთო სარგებლობის კიბეების მოწყობა მუხიანის მესამე მიკრორაიონის N17 კორპუსის I, II და III სადარბაზოებთან, ასევე, გლდანის მეექვსე მიკრორაიონის N3 კორპუსის მიმდებარედ დასრულდა.

„პროექტისთვის, რომელიც ტენდერში გამარჯვებულმა კომპანიამ შეასრულა, გლდანის გამგეობის ბიუჯეტიდან 43 590 ლარი დაიხარჯა.

დასრულებულ სამუშაოებს გლდანის რაიონის გამგებელი ლევან ნაროუშვილი მოადგილესთან ერთად გაეცნო“, - აღნიშნულია მერიის მიერ გავრცელებულ ინფორმაციაში.