თბილისის საქალაქო სასამართლოში "ქართული ოცნების" ოფისთან გამართულ აქციაზე დაკავებული სამოქალაქო აქტივისტების სასამართლო პროცესი დღეს გაიმართება. დაკავებულების უფლებადამცველის გიორგი მახარაძის თქმით, დაცვის მხარე საქმის გადადებასთან დაკავშირებით შუამდგომლობას დააყენებს.
"დეტალები ჯერჯერობით არ ვიცი, როგორც ჩემთვის ცნობილია 6 ადამიანი არის დაკავებული. ჩემი ინფორმაციით, ეს ყველაფერი მოხდა გამოხატვის თავისუფლების ფარგლებში. ეს იყო სტიკერის გაკვრა შენობაზე. ეს არ არის ადმინისტრაციული სამართალდარღვევა. დღეს დაცვის მხარე საქმის გადადებას და დაკავებულების გათავისუფლებას მოითხოვს, ვინაიდან ჩვენ გვჭირდება გონივრული დრო დაცვის მოსამზადებლად და მტკიცებულებების მოსაპოვებლად" , - განაცხადა გიორგი მახარაძემ.
საქალაქო სასამართლოსთან იმყოფებიან სამოქალაქო ატივისტები, რომლებიც აცხადებენ, რომ ისინი პროტესტს კვლავ გააგრძელებენ.