გურამ მაჭარაშვილი - ოპოზიციისგან ვისმენთ განცხადებებს, სადაც არანაირი ლოგიკური არგუმენტაცია არ არის - მაინც გვაქვს მოლოდინი, რომ მოისურვებენ ხელი მოაწერონ „ქართული ოცნების“ შეთავაზებებს

ჩვენი შეთავაზებები ემსახურება ქართული დემოკრატიის განვითარებას და 2024 წელს არჩევნების კიდევ უფრო მაღალი ხარისხით ჩატარებას,- ამის შესახებ საპარლამენტო უმრავლესობის წევრმა გურამ მაჭარაშვილმა ჟურნალისტებთან 29 მარტს კრისტიან დანიელსონის მედიაციით, ხელისუფლებას და ოპოზიციას შორის დაანონსებულ შეხვედრასთან დაკავშირებით განაცხადა.

მაჭარაშვილის თქმით, მედიატორს „ქართული ოცნება“ ხვდება დაანონსებული საკანონმდებლო ცვლილებებით და მათ აქვთ "მთელი კომპლექტი, რომ მოხდეს შეთანხმება რადიკალურ ოპოზიციასთან".

"ჩვენ კრისტიან დანიელსონს ვხვდებით უკვე დაანონსებული საკონსტიტუციო ცვლილებებით, რომელიც პოლიტიკურ სივრცეში პოლიტიკურ პლურალიზმს უზრუნველყოფს, რომ მცირე მხარდაჭერით პარტიებსაც კი ჰქონდეთ საშუალება, რომ შევიდნენ საქართველოს პარლამენტში, ასევე მინიმუმ 4 დეპუტატის შეგროვების შემთხვევაში, შეძლონ ფრაქციის შექმნა, ასევე, ჩვენ მას ვხვდებით მართლმსაჯულების რეფორმის საკანონმდებლო ინიცირებით, სადაც არის მნიშვნელოვანი ცვლილებები, რომელიც ემსახურება ოპონენტების და საერთაშორისო თუ ადგილობრივი ორგანიზაციების შენიშვნებს, ბუნებრივია ჩვენ გვაქვს მთელი ეს კომპლექტი, რომ მოხდეს შეთანხმება რადიკალურ ოპოზიციასთან, რომელსაც სრულიად უარგუმენტოდ აქვს უარი ამ პოლიტიკურ შეთანხმებაზე. რაც შეეხება თავად ოპოზიციას, იმის მიუხედავად, რომ მათი მხრიდან ვისმენთ განცხადებებს, სადაც არ არის არანაირი ლოგიკური არგუმენტაცია და საფუძველი, მაინც გვაქვს მოლოდინი, რომ ამ შემთხვევაში, მაინც მოისურვებენ ხელი მოაწერონ იმ შეთანხმებას და შეთავაზებებს, რაც არის "ქართული ოცნების" მხრიდან, რომელიც ჩამოვთვალე და კიდევ ბევრი დეტალია, რომელსაც ჯერ ვერ ვასაჯაროებთ ევროპელებთან შეთანხმების გამო და ეს მალე გახდება ცნობილი საზოგადოებისთვის, რომელიც ემსახურება ქართული დემოკრატიის განვითარებას და 2024 წელს არჩევნების კიდევ უფრო მაღალი ხარისხით ჩატარებას", - განაცხადა მაჭარაშვილმა.

იხილეთ ვიდეო: ჩვენი შეთავაზებები ემსახურება ქართული დემოკრატიის განვითარებას - გურამ მაჭარაშვილი

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა