ლატვიის პრემიერ-მინისტრი ირაკლი ღარიბაშვილს საქართველოს პრემიერ-მინისტრის თანამდებობაზე დანიშვნას ულოცავს

ლატვიის პრემიერ-მინისტრი კრიშიანის კარინიში ირაკლი ღარიბაშვილს საქართველოს პრემიერ-მინისტრის თანამდებობაზე დანიშვნას ულოცავს. ამის შესახებ ინფორმაციას საქართველოს მთავრობის ადმინისტრაცია ავრცელებს.

მათივე ცნობით, მისალოც წერილში ყურადღება გამახვილებულია, ლატვიის რესპუბლიკასა და საქართველოს შორის თანამშრომლობასა და ხანგრძლივ პარტნიორობაზე. კრიშიანის კარინიში დარწმუნებულია, რომ ორ ქვეყანას შორის კავშირები მომავალში კიდევ უფრო მეტად გაძლიერდება.

„ლატვიის რესპუბლიკის მთავრობის სახელით, მსურს, გულითადად მოგილოცოთ საქართველოს პრემიერ-მინისტრის თანამდებობაზე დანიშვნა. სიხარულით აღვნიშნავ, რომ ჩვენმა ქვეყნებმა წლების განმავლობაში ჩვენი ერების სასიკეთოდ შესანიშნავი თანამშრომლობა და ხანგრძლივი პარტნიორობა სხვადასხვა მიმართულებით დაამყარეს. დარწმუნებული ვარ, რომ ჩვენი კავშირები მომავალში მხოლოდ გაძლიერდება", - აღნიშნულია წერილში.

მათივე ცნობით, კრიშიანის კარინიში ყურადღებას ამახვილებს იმ ფაქტზე, რომ ლატვია მხარს უჭერდა საქართველოს სუვერენიტეტსა და ტერიტორიულ მთლიანობას საერთაშორისოდ აღიარებულ საზღვრებში და ასევე გააგრძელებს.

„მსურს ჩემი გულწრფელი სურვილები გამოვხატო საქართველოში რეფორმების ურყევი და წარმატებული განხორციელების შესახებ, რაც ხელს შეუწყობს ევროკავშირსა და ჩრდილო-ატლანტიკური ხელშეკრულების ალიანსთან ურთიერთობების გაღრმავებას.

თქვენო აღმატებულებავ, უამრავ წარმატებას გისურვებთ ამ საპასუხისმგებლო თანამდებობაზე, ჩემი თქვენდამი უდიდესი პატივისცემის რწმუნებასთან ერთად,"- აღნიშნულია მისალოც წერილში.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა