დაპირისპირება მრევლსა და მეუფე სტეფანეს შორის კი არ არის, დაპირისპირება არის მეუფე პეტრეს მომხრეებსა და­ წმინდა სინოდს შორის, - ამის შესახებ ახალქალაქისა და კუმურდოს მიტროპოლიტმა, მეუფე ნიკოლოზმა ჟურნალისტებს განუცხადა.

მან იმედი გამოთქვა, რომ ისინი შეინანებენ, რადგან მეუფე ნიკოლოზს მიაჩნია, რომ „გამოსავალი მხოლოდ სიყვარულშია”.

„შეუძლებელია მეუფე სტეფანეთი უკმაყოფილო იყო. უკმაყოფილო არიან სინოდის გადაწყვეტილებით. დაპირისპირება მრევლსა და მეუფე სტეფანეს შორის კი არ არის, დაპირისპირება არის მეუფე პეტრეს მომხრეებსა და წმინდა სინოდს შორის. ეს დამოკიდებულება არის. ძალიან დიდი იმედი გვაქვს, რომ ეს ადამიანები შეინანებენ თავიანთ საქციელს. თუ არ შეინანებენ, ეკლესიას ჩვენ ხომ არ ვმართავთ, ეკლესიას ღმერთი მართავს. ეკლესიას ბერკეტად რჩება, ღმერთის იმედად იყოს“, - აღნიშნა მეუფე ნიკოლოზმა.

მისი თქმით, შექმნილია კომისია, რომელიც ყველა გარემოებას დეტალურად შეისწავლის.

„ჩვენ სინოდზე მივიღეთ გადაწყვეტილება, შეიქმნას კომისია, რომელიც ყველა გარემოებას დეტალურად შეისწავლის. ცხადია, მეუფე სტეფანე ამ კომისიის წევრი იქნება და არის. ცხადია, რომ კომისიამ სინოდს თავისი კვლევის შედეგები უნდა მოახსენოს“, - აღნიშნა მეუფე ნიკოლოზმა.