თუ რამე ცვლილება უნდათ, მობრძანდნენ პარლამენტში, ერთობლივად განვიხილოთ და ცვლილებები შევიტანოთ, - ამის შესახებ საპარლამენტო უმრავლესობის წევრმა ბეჟან წაქაძემ ჟურნალისტებს განუცხადა.
მისი თქმით, თუ ოპოზიცია გამოიჩენს კეთილგონიერებას, მოლაპარაკებები წარმატებით დასრულდება.
„მოლაპარაკების მაგიდაზე დევს შეთავაზებები, რაც ჩვენ დავდეთ. ეს არის კანონმდებლობაში ცვლილებები, საარჩევნო და სასამართლო რეფორმის ხედვა, ბარიერის დაწევა, რასაც ჩვენი პარტნიორები ითხოვდნენ. ხელისუფლებამ თქვა, რომ სამართლიანობის პრინციპით განიხილება ყველა თემა. რაც შეეხება არჩევნების თემას, 2 მილიონი ადამიანი პანდემიის პირობებში, არჩევნებზე მივიდა და დააფიქსირა თავისი შეხედულება პარტიებთან მიმართებაში. მილიონმა ადამიანმა ხმა "ქართულ ოცნებას" მისცა. ყველა საერთაშორისო ორგანიზაციამ ეს არჩევნები აღიარა, როგორც სამართლიანი და კონკურენტუნარიანი“,- განაცხადა ბეჟან წაქაძემ.