ირაკლი ქადაგიშვილი საკონსტიტუციო ცვლილებების შესახებ ოპოზიციონერების შეფასებებზე - ცოტა დამღლელია გაუთავებელი წუწუნი და ვერ გაგება იმის, რა არის მთავარი - რა უნდათ, თვითონაც არ იციან

ცოტა დამღლელია პოლიტიკური პარტიების გაუთავებელი წუწუნი და ვერ გაგება იმისა, რა არის მთავარი. რა უნდათ, თვითონაც არ იციან,- ამის შესახებ საპარლამენტო უმრავლესობის წევრმა ირაკლი ქადაგიშვილმა ჟურნალისტებს განუცხადა, რითაც უპასუხა კითხვას იმასთან დაკავშირებით, რომ ოპოზიციონერების შეფასებით, საკონსტიტუციო ცვლილებებს მმართველი გუნდი მცირე მხარდაჭერის მქონე პარტიების პარლამენტში შესატყუებლად იყენებს.

როგორც ქადაგიშვილი აღნიშნავს, გასარკვევია, რა არის ოპოზიციის მიზანი.

„თუ საუბარია საარჩევნო სისტემის გაუმჯობესებაზე, სასამართლო რეფორმის გაგრძელებაზე, ამას მუშაობა უნდა. თუ გინდა მხოლოდ და მხოლოდ პრეტენზიები აცხადო და როდესაც ხელისუფლებაში იყავი არცერთი ეს პრეტენზია არ განგიხორციელებია და პირიქით, ყველაფერი საწინააღმდეგოდ გააკეთე, რომ უფრო მეტი ერთპიროვნული მმართველი სისტემა დაგემყარებინა საქართველოში - გასარკვევია, რა არის მათი მიზანი. თორემ ჩვენი მიზანი, რაც არის, ზედაპირზე დევს - ვაგრძელებთ დემოკრატიულ რეფორმებს",- განაცხადა ქადაგიშვილმა.

მისივე თქმით, საკონსტიტუციო ცვლილებები მომავალი პარლამენტის მრავალფეროვნებას და შესაძლო პოლიტიკური კოალიციის შექმნას განაპირობებს.

„ეს არის აუცილებელი პოლიტიკური მნიშვნელობის ცვლილება, რომელიც განაპირობებს მომავალი პარლამენტის მრავალფეროვნებას და მომავალ პარლამენტში შესაძლო პოლიტიკური კოალიციის შექმნას, რომელმაც მთავრობა უნდა ჩამოაყალიბოს. თუ რატომ არ მიიღებენ ამაში პარტიები მომაწილეობას, ცოტა აუხსნელია იმიტომ, რომ ეს უფრო ახირების ფორმას იძენს, ვიდრე რაიმე პოლიტიკური ლოგიკის.

2012 წლიდან, როდესაც გაყალბება აღარაა და ამომრჩევლის ნება ასახულია პირდაპირ, ეს გვიჩვენებს, რომ 50%-ზე გადაბიჯება იოლი საქმე არაა. ამიტომ ვამბობ, რომ არსებობს ალბათობა, რომ 2024 წლის არჩევნებისთვის კოალიცია შეიქმნას",- განაცხადა ქადაგიშვილმა.

ცნობისთვის, საკონსტიტუციო ცვლილებების პროექტი ითვალისწინებს 2024 წლის საპარლამენტო არჩევნებისთვის 5%-იანი ბარიერის 3%-მდე დაწევას, ხოლო პარლამენტში ფრაქციის შექმნისთვის საჭირო მინიმალური რაოდენობის 7-დან 4-დეპუტატამდე შემცირებას.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს