საპროცედურო საკითხთა და წესების კომიტეტმა თეა წულუკიანისთვის ვადაზე ადრე სადეპუტატო უფლებამოსილების შეწყვეტას მხარი დაუჭირა. გადაწყვეტილება ბიუროს წარედგინება, რის შემდეგაც პარლამენტის პლენარულ სხდომაზე დეპუტატები მას დადგენილების სახით მიიღებენ. წულუკიანის ადგილმონაცვლე პარლამენტში, სავარაუდოდ, პარტიული სიით, ნინო იობაშვილი იქნება.

შეგახსენებთ, თეა წულუკიანი რამდენიმეთვიანი დეპუტატობის შემდეგ მინისტრთა კაბინეტს დაუბრუნდა. ის კულტურის, სპორტისა და ახალგაზრდობის მინისტრად დაინიშნა. წულუკიანი მინისტრის პოსტზე საქმიანობას 22 მარტიდან შეუდგა. მანამდე წულუკიანი მე- 10 მოწვევის პარლამენტში განათლების, მეცნიერებისა და კულტურის კომიტეტს ხელმძღვანელობდა.