კრიმინალებთან ერთად მოლაპარაკების მაგიდასთან არ სხდებიან. მიხეილ სააკაშვილი არის კრიმინალი, რომლის დანაშაულებრივ საქმიანობაზე არის საუბარი როგორც ქართული სასამართლოების, ასევე სტრასბურგის სასამართლოს კონკრეტულ გადაწყვეტილებებში, - ამის შესახებ საპარლამენტო უმრავლესობის წევრმა რატი იონათამიშვილმა განაცხადა.

მისი თქმით, სააკაშვილი არის შემქმნელი დანაშაულებრივი სისტემის, ხოლო ბიძინა ივანიშვილმა საფუძველი ჩაუყარა სამართლებრივ სახელმწიფოს, დაუშვებელი და მინიმუმ უხერხულია ტოლობის ნიშნის დასმა.

„სააკაშვილი არის ის ადამიანი, რომელიც განსაკუთრებული სიძულვილის ენით გამოირჩევა დასავლეთის მიმართ, ის ყველაზე ნეგატიურად არის განწყობილი მოლაპარაკებების პროცესისადმი. სააკაშვილი არის შემქმნელი დანაშაულებრივი სისტემის, ხოლო ბიძინა ივანიშვილმა საფუძველი ჩაუყარა სამართლებრივ სახელმწიფოს, დაუშვებელი და მინიმუმ უხერხულია“,- განაცხადა იონათამიშვილმა.