აკაკი მინაშვილი - მედიატორს წინადადებები  არ შემოუთავაზებია - ჩვენი პოზიციაა, თუ მელიას და რურუას გათავისუფლება არ მოხდება, სრულფასოვანი მოლაპარაკებების გაგრძელება რთული იქნება

ჩვენი პოზიციაა, რომ თუ ნიკა მელიას და გიორგი რურუას გათავისუფლება არ მოხდება, სრულფასოვანი მოლაპარაკებების გაგრძელება იქნება რთული - საკუთარი წინადადებები მედიატორს არ შემოუთავაზებია, - ამის შესახებ “ნაციონალური მოძრაობის” ერთ-ერთმა ლიდერმა აკაკი მინაშვილმა კრისტიან დანიელსონთან „ნაციონალური მოძრაობის“ წარმომადგენლების შეხვედრის დასრულების შემდეგ განაცხადა.

მისივე თქმით, კრისტიან დანიელსონთან შეხვედრები ხვალაც შედგება და რაღაც სურათი ალბათ გამოიკვეთება.

“საკუთარი წინადადებები მედიატორს არ შემოუთავაზებია. ჩვენი მთავარი საკითხები, რომლებიც ჩვენ წამოვწიეთ ისევ და ისევ უპირველეს ყოვლისა იყო "ნაციონალური მოძრაობის" თავმჯდომარის ნიკა მელიას გათავისუფლების საკითხი, გიორგი რურუას გათავისუფლების საკითხი. ჩვენი პოზიციაა, რომ თუ ამ ორი ადამიანის გათავისუფლება არ მოხდება სრულფასოვანი მოლაპარაკებების გაგრძელება იქნება რთული. რაც შეეხება წინადადებებს შეხვედრები ხვალაც გაგრძელდება და საბოლოო ჯამში, რაღაც სურათი ალბათ გამოიკვეთება.

რაში გამოიხატება ამ შემთხვევაში ხელისუფლების კომპრომისი?! მთელი დღის განმავლობაში საუბრობენ, რომ პოლიტპატიმრებს არ გამოუშვებენ, არადა მათ ძალიან კარგად იციან, მათ შორის ჩვენმა მეგობრებმა ევროპაში და შეერთებულ შტატებში, პოლიტპატიმრები არის მთავარი საკითხი, რომელიც უნდა გადაწყდეს , ისინი უარს ამბობენ ვადამდელ არჩევნებზე და ამ ორი საკითხის გარეშე საარჩევნო და სასამართლო რეფორმას, არ აქვს სრულფასოვანი აზრი. აი ის კანონმდებლობა რაც არის წარდგენილი, არც ერთ ამ კანონმდებლობაში არ არის წარდგენილი ის მნიშვნელოვანი საკითხები, რომელიც მართლა შეცვლიდა გარემოს როგორც საარჩევნო, ასევე სასამართლო გარემოს. საარჩევნო გარემოს შესაცვლელად მთავარი ფაქტორი არის საარჩევნო ადმინისტრაცია და აქ ცვლილებები არ არის, ხელისუფლებას ისევ ერთპიროვნულად უნდა საარჩევნო ადმინისტრაციის დანიშვნა, სასამართლოს რეფორმასთან მიმართებაში ისევ ძველი მოსამართლეები არიან ამიტომ ესეც სიყალბეა ხელისუფლების მხრიდან. მთავარი პრობლემა ქვეყანაში ვერ გადაწყდება, ქვეყანა ნორმალურ ცხოვრებას ვერ გააგრძელებს თუ არ იქნება ეს ორი მთავარი საკითხი. თუ პოლიტიკური დევნა ქვეყანაში არ შეწყდა ვითარება არ დამშვიდდება და არ ჩატარდება ვადამდელი არჩევნები, რომელიც უნდა ჩატარდეს აი ამ რეფორმების შემდეგ. აზრთა გაცვლა-გამოცვლა იყო, საკითხები წამოვჭერით, განსაკუთრებით პოლიტპატიმრების საკითხი", - განაცხადა მინაშვილმა.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო