ბადრი ჯაფარიძე - შეთანხმების მიღწევის ერთადერთი გზა არის ის, რომ “ქართული ოცნება” აუცილებელ ცვლილებებს დაეთანხმოს

ჩვენი მიზნები ემთხვევა სტრატეგიულ პარტნიორების მიზნებს აბსოლუტურად - აქ შეფერხება ყოველთვის იყო “ქართული ოცნების” პოზიცია, რომელსაც არ უნდა არანაირი ცვლილებები, - ამის შესახებ “ლელოს” ერთ-ერთმა ლიდერმა ბადრი ჯაფარიძემ კრისტიან დანიელსონთან ოპოზიციის წარმომადგენლების შეხვედრის დასრულების შემდეგ განაცხადა.

მისივე თქმით, შეთანხმების მიღწევის ერთადერთი გზა არის ის, რომ “ქართული ოცნება” დაეთანხმოს იმ აუცილებელ ცვლილებებს, რომელიც სჭირდება ქვეყანას.

“ჩვენ გვქონდა მედიატორებთან საუბარი ამ შეთანხმების მნიშვნელობაზე, იმაზე, რომ ამ შეთანხმებამ უნდა მოიტანოს ცვლილებები ამ ქვეყანაში, რეალური ცვლილებები, რომელიც სჭირდება ჩვენს საზოგადოებას, ჩვენს პოლიტიკურ ცხოვრებას. დღემდე ჩვენ ეს შეთანხმება არ გვქონდა იმის გამო, რომ “ქართული ოცნება” იმ მდგომარეობით, რომელშიც ვიმყოფებით, არის კმაყოფილი, ყველა ინსტიტუციის საქმიანობით არის კმაყოფილი - ასე ვერ გაგრძელდება იმიტომ, რომ ქვეყანას სჭირდება ცვლილებები, ამიტომ შეთანხმების ამოცანაა, რომ დაიწყოს ის აუცილებელი ცვლილებები, რომელიც ქვეყანას გამოიყვანს ამ ძალიან მძიმე კრიზისიდან, აუცილებელია მნიშვნელოვანი გადაწყვეტილების მიღება იმისათვის, რომ ჩვენ შევძლოთ საზოგადოებას ვუთხრათ, რომ დღეიდან იწყება ათვლის ახალი წერტილი. ევროკავშირი არის ჩვენი ქვეყნის ერთგულ მეგობარი, დაინტერესებულია სწორედ იმაში, რომ ქვეყანაში განვითარდეს დემოკრატია, დემოკრატიული ინსტიტუტები. ჩვენ ვართ ასევე დაინტერესებული ზუსტად იგივე საკითხებით, როგორიც ჩვენმა სტრატეგიულმა პარტნიორებმა აღწერეს და თქვეს, რომ მათი ამოცანაა, რომ ქვეყანა გამოვიდეს კრიზისიდან, მათი ამოცანაა, რომ დაიწყოს ინსტიტუციების რეფორმირება, დამთავრდეს პოლიტიზირებული მართლმსაჯულება, დამთავრდეს კონტროლირებადი სასამართლო, დამთავრდეს კონტროლირებადი საარჩევნო ადმინისტრაცია - ეს არის სწორედ ჩვენი მიზანიც. ჩვენი მიზნები ემთხვევა სტრატეგიულ პარტნიორების მიზნებს აბსოლუტურად - აქ შეფერხება ყოველთვის იყო “ქართული ოცნების” პოზიცია, რომელსაც არ უნდა არანაირი ცვლილებები. შესაბამისად, შეთანხმების მიღწევის ერთადერთი გზა არის ის, რომ “ქართული ოცნება” დაეთანხმოს აუცილებელ ცვლილებებს, რომელიც სჭირდება ჩვენს ქვეყანას. ყველა საკითხზე ვსაუბრობდით და ყველა საკითხზე უნდა იყოს შეთანხმება მიღწეული. სასამართლოს რეფორმას რასაც “ქართული ოცნება” ეძახის, ეს არ არის სასამართლო რეფორმა, სინამდვილეში ეს არის ფასადური რეფორმა და აბსოლუტურად არ აკმაყოფილებს ევროკავშირის მიერ დადგენილ სტანდარტებს”, - განაცხადა ბადრი ჯაფარიძემ.

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 19.05.2022
ზვიად გუბელაძე - გაჟღერებული ბრალდებები, თითქოსდა ნიკა გვარამიას ტელევიზიის  ბალანსზე არსებული ავტომობილით სარგებლობის გამო მიესაჯა თავისუფლების აღკვეთა, არ შეესაბამება სიმართლეს და მიზნად ისახავს საზოგადოების შეცდომაში შეყვანას
ნიკოლოზ ვაშაკიძე - არსებული ხელისუფლება წამოადგენს მთავარ დაბრკოლებას ქვეყანა პოლიტიკურად განახლებული და მომზადებული შეხვდეს კარდინალურ ცვლილებებს რეგიონში და მსოფლიოში
ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა
„გალერეა დემასში“ პრემიუმ ხარისხის ევროპული სლებების ასორტიმენტი განახლდა
Urban Hotel-ი მარტის დასაწყისიდან უკრაინელ დევნილებს მასპინძლობს
სიმსუქნის ქირურგიული მკურნალობა - ბარიატრიული ოპერაციები ბოჭორიშვილის კლინიკაში