პარლამენტის კულტურის კომიტეტის თავმჯდომარე ელისო ბოლქვაძე სრულიად საქართველოს კათოლიკოს-პატრიარქის ტახტის მოსაყდრეს, სენაკისა და ჩხოროწყუს, ავსტრალიისა და ახალი ზელანდიის მიტროპოლიტ შიოს (მუჯირი) საპატრიარქოში შეხვდა. ამის შესახებ „ინტერპრესნიუსს“ საქართველოს პარლამენტიდან აცნობეს.

მათი ინფორმაციით, ელისო ბოლქვაძემ მიტროპოლიტ შიოს პარლამენტში ახლად შექმნილი კომიტეტის საქმიანობის ძირითადი მიმართულებები გააცნო.

„მხარეებმა განიხილეს პარლამენტსა და ეკლესიას შორის კულტურის სფეროს სხვადასხვა მიმართულებით მჭიდრო კოორდინაციის საკითხები. შეხვედრას დაესწრო საპატრიარქოს საზოგადოებასთან ურთიერთობის სამსახურის ხელმძღვანელი, დეკანოზი ანდრია ჯაღმაიძე”, - ნათქვამია ინფორმაციაში.