სამოქალაქო აქტივისტებმა ევროკავშირის წარმომადგენლობის ოფისში წერილი მიიტანეს, რომელითაც კრისტიან დანიელსონს მიმართავენ

სამოქალაქო აქტივისტებმა ევროპული საბჭოს პრეზიდენტის შარლ მიშელის პირად წარმომადგენელს კრისტიან დანიელსონს წერილით მიმართეს.

აქტივისტებმა წერილი ევროკავშირის წარმომადგენლობის ოფისში მიიტანეს, სადაც მედიატორის მონაწილეობით ხელისუფლებისა და ოპოზიციის შეხვედრა მიმდინარეობს.

როგორც ერთ-ერთმა აქტივისტმა ნიკა ფარულავამ ჟურნალისტებთან განაცხადა, წერილში საუბარია, იმ სისხლის სამართლის დევნაზე, რომელიც სამოქალაქო აქტივისტების წინააღმდეგ მიმდინარეობს.

„წერილი მოვუტანეთ კრისტიან დანიელსონს, რომელშიც არის დეტალურად აღწერილი სამოქალაქო აქტივისტების მიმართ მიმდინარე პოლიტიკური დევნა, მიდის სისხლის სამართლებრივი გამოძიებები, რომელიც უკვე 20-მდე ჩვენგანზე დაიწყო კომენდანტის საათის განმეორებით დარღვევის გამო და აქ აღნიშნული არის ის ფაქტიც, რომ დევნის ბოლო ფაქტები განხორციელდა იმ პერიოდში, როდესაც დაიწყო ინტენსიური მოლაპარაკებები, როდესაც ჩვენი პარტნიორები გადავიდნენ მედიაციის პროცესზე, როდესაც ღარიბაშვილი გამოდიოდა და ამბობდა, რომ მოლაპარაკებების პარალელურად, არ უნდა მიმდინარეობდეს აქციები და უნდა იყოს სიმშვიდე. ამის პარალელურად, მათ დაიწყეს სისხლის სამართლებრივი დევნა ჩვენს წინააღმდეგ და ეს ყველაფერი არის დეტალურად აღწერილი და ვთხოვთ, რომ მედიაციის პროცესში ეს ყველაფერი მხედველობაში მიიღოს“, - განაცხადა ნიკა ფარულავამ.

იხილეთ ვიდეო:სამოქალაქო აქტივისტებმა ევროკავშირის წარმომადგენლობის ოფისში წერილი მიიტანეს, რომელითაც კრისტიან დანიელსონს მიმართავენ

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა