ირაკლი კობახიძე - თქვენ გაქვთ პასუხი კითხვაზე, რა კავშირი აქვს რურუას პოლიტიკასთან? - თუ საუბარია იმაზე, რომ ვიღაც არალეგალური წყაროებით აფინანსებს პოლიტიკას, ეს უფრო მძიმე დანაშაულია, ვიდრე იარაღის უკანონო ტარება

„ქართული ოცნების" თავმჯდომარის, ირაკლი კობახიძის განცხადებით, ოპოზიციამ მედიატორ კრისტიან დანიელსონის მედიაციით გამართული მოლაპარაკებების დროს რიგგარეშე არჩევნებისა და „მთავარი არხის“ ერთ-ერთი მეწილის გიორგი რურუას გათავისუფლების საკითხზე ულტიმატუმი დააყენა. როგორც მან შეხვედრის შემდეგ განაცხადა, არჩევნები ყველას მიერ არის აღიარებული, რადგან გაყალბების ვერც ერთი პუნქტი ვერ დამტკიცდა.

„ოპოზიციამ დააყენა ულტიმატუმი ორ მთავარ საკითხზე, ერთი ეხებოდა რიგგარეშე არჩევნების თემას, მათი ულტიმატუმი ითვალისწინებდა ორიდან ერთ ალტერნატივას, ეს იყო რიგგარეშე არჩევნების ყოველგვარი პირობების გარეშე ჩატარება და პლებისციტი. ეს იყო ულტიმატუმი, რომელიც არჩევნებს უკავშირდებოდა მაშინ, როდესაც შეგახსენებთ, დანიელსონის დოკუმენტი საერთოდ არ ეხებოდა არჩევნებს, რაც იმის დასტურია, რომ ეს არჩევნები არის ყველას მიერ აღიარებული, რადგან არჩევნების გაყალბების ვერც ერთი პუნქტი ვერ დამტკიცდა და ვერც დამტკიცდება იმიტომ, რომ ასეთი რამ ბუნებაში არ მომხდარა. მეორე ულტიმატუმი ეხებოდა რურუას გათავისუფლებას, ამასთან დაკავშირებით კითხვებიც კი დავსვით. მაგალითად, თქვენ გაქვთ პასუხი კითხვაზე, რა კავშირი აქვს რურუას პოლიტიკასთან? თუ საუბარია იმაზე, რომ ვიღაც არალეგალური წყაროებით აფინანსებს საქართველოში პოლიტიკას, ეს საერთოდ სხვა დანაშაულია, უფრო მძიმე, ვიდრე იარაღის უკანონო ტარება“,- განაცხადა კობახიძემ.

რაც შეეხება „ნაციონალური მოძრაობის“ თავმჯდომარის ნიკა მელიას გათავისუფლების საკითხს, ირაკლი კობახიძემ განმარტა, რომ „მან საკუთარი თავი თავად დაიჭირა“ .

ნიკა მელიამ გირაოს გადახდაზე უარი თქვა, უფრო მეტიც გამოვიდა მძიმედ შეურაცხმყოფელი განცხადებით, „არ გადავიხდი, ვერ დამიჭერთ“ და ერთადერთი შანსი დაუტოვა სახელმწიფოს, რომ კანონის შესაბამისად ემოქმედა. მის ნაბიჯებს მოჰყვა მელიას დაპატიმრება. მან საკუთარი თავი თვითონ დაიპატიმრა. შესაბამისად, საუბარი იმაზე, რომ მელია ვიღაცამ დააპატიმრა და შემდეგ ამით ვაჭრობს, ეს წმინდა წყლის სპეკულაციაა. მელიამ თვითონ დაიჭირა საკუთარი თავი“,-განაცხადა კობახიძემ.

შეგახსენებთ, რომ კრისტიან დანიელსონის ჩართულობით ხელისუფლებასა და ოპოზიციას შორის შემაჯამებელი შეხვედრა 17:00 საათზე დაიწყო. შეხვედრაზე მედიატორებმა პოლიტიკურ მხარეებს კრიზისიდან გამოსვლის თაობაზე მათ მიერვე მომზადებული დოკუმენტი გააცნეს. მხარეები დოკუმენტზე 6 საათის განმავლობაში მსჯელობდნენ, თუმცა საბოლოოდ, მედიაციის მეორე რაუნდიც უშედეგოდ დასრულდა.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება