გიგა ბოკერია - არ იქნება მისაღები არცერთი ხედვა, რომელიც პოლიტპატიმრების და ვადამდელი არჩევნების საკითხს არ ამოწურავს

პრეზიდენტ მიშელის დოკუმენტში, რომელსაც თანხმობა მივეცით, მკაფიოდ ეწერა ორი საკვანძო საკითხი - პოლიტიკური საქმეები და ვადამდელი არჩევნები. დღევანდელ დოკუმენტში ვადამდელ არჩევნებზე არანაირი გადაწყვეტილება არ იყო, რაც მოხდა „ოცნების“ პოზიციის გამო, - ამის შესახებ „ევროპული საქართველოს“ ერთ-ერთმა ლიდერმა, გიგა ბოკერიამ კრისტიან დანიელსონის მედიაციით გამართულ ოპოზიციისა და ხელისუფლების შეხვედრის დასრულების შემდეგ განაცხადა.

მისი თქმით, ოპოზიციისათვის, “არ იქნება მისაღები არცერთი ხედვა, რომელიც პოლიტპატიმრების და ვადამდელი არჩევნების საკითხს არ ამოწურავს”.

"ივანიშვილს და მის გარემოცვას არ შეუცვლია თავისი ქვეყნისთვის დამღუპველი პოზიცია, რომ ყველა მეთოდით, მათ შორის პარტნიორების მიმართ აგრესიული განცხადებებით და ასეთ დოკუმენტზე ხელის არ მოწერით შეუძლიათ შეინარჩუნონ ძალაუფლება. ეს არის მძიმე რეალობა, აქედან გამომდინარე ვერ შედგა შეთანხმება და ჩვენი ამოცანები არის იგივე, რაც იყო დღემდე, ქვეყნის შიგნით ამ ადამიანებისათვის მაქსიმალური დისკომფორტის შექმნა, სანამ მიტაცებული აქვთ სახელმწიფო და ჩვენს პარტნიორებთან მუშაობა, რომ მათზე წნეხი გაიზარდოს.

ჩვენთვის არცერთი ხედვა არ იქნება მისაღები არცერთ ეტაპზე, რომელიც არ ამოწურავს პოლიტპატიმრების საკითხს და ვადამდელი არჩევნების საკითხს. პრეზიდენტ მიშელის დოკუმენტში, რომელსაც თანხმობა მივეცით, მკაფიოდ ეწერა ორი საკვანძო საკითხი - პოლიტიკური საქმეები და ვადამდელი არჩევნები, დღევანდელ დოკუმენტში ვადამდელ არჩევნებზე არანაირი გადაწყვეტილება არ არის, რაც მოხდა „ოცნების“ პოზიციის გამო. ჩვენთვის ეს დოკუმენტი მთლიანად არ ამოწურავდა ვითარებას. ჩვენ იმ საკითხებზე, რომელზეც კარგად იყო ნამუშევარი, ამ საკითხთან შედარებით, ვიყავით მზად, რომ კომპრომისზე წავსულიყავით. ვგულისხმობ დანარჩენ სამ საკითხს, „ოცნებამ“ ამ სამსაც ხელი არ მოაწერა. ჩვენი პასუხისმგებლობაა, მივაღწიოთ ისეთ შეთანხმებას, რომელიც ქვეყანას კრიზისიდან გამოიყვანს. ეს მდგომარეობა დამღუპველია ქვეყნისთვის, მაგრამ დამღუპველია მათთვისაც, ამიტომ უნდა ,,მოვიყვანოთ აზრზე“, - აღნიშნა გიგა ბოკერიამ.

იხილეთ ვიდეო:“ეს არის მძიმე რეალობა, ჩვენთვის არ არის სიახლე, სამწუხაროდ აქედან გამომდინარე ვერ შედგა შეთანხმება“ - გიგა ბოკერია

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით