ალუდა ღუდუშაური - ერთ მხარეს არის „ქართული ოცნება," როგორც პასუხისმგებლობით სავსე ძალა, ხოლო მეორე მხარესაა კრიმინალ სააკაშვილთან გაერთიანებული ოპოზიცია

ერთ მხარეს არის „ქართული ოცნება," როგორც პასუხისმგებლობით სავსე ძალა, ხოლო მეორე მხარეს არის კრიმინალ სააკაშვილთან გაერთიანებული ოპოზიცია, - ამის შესახებ საპარლამენტო უმრავლესობის წევრმა ალუდა ღუდუშაურმა გუშინდელი მოლაპარაკებების უშედეგოდ დამთავრებასთან დაკავშირებით განაცხადა.

მისივე თქმით, მისთვის გაუგებარია, რატომ სვამენ ტოლობის ნიშანს ხელისუფლებას და ოპოზიციას შორის, მაშინ როცა "ქართული ოცნების" დღის წესრიგი ნაკარნახევია სახელმწიფოებრივი ინტერესებით, ხოლო ოპოზიცია არის დარჩენილი ქუჩაში, კარვებში და დესტრუქციაში.

"პრაქტიკულად მოვისმინეთ ძალიან მკაფიოდ “ქართული ოცნების” პოზიცია, ყველა იმ საკითხზე, რომელიც წამოჭრილი იყო იმ მოლაპარაკებებზე ჩვენი მედიატორების მხრიდან, გვქონდა ამომწურავი, საქმიანი და კომპრომისული შემხვედრი ნაბიჯები, რასაც ვერ ვიტყვით ჩვენს ოპონენტებზე. ჩვენ მოვისმინეთ ჩვენი ოპონენტების განცხადებები. მე მინდა საზოგადოებას ვუთხრა, ერთ მხარეს არის “ქართული ოცნება”, როგორც პასუხისმგებლობით სავსე ძალა, ხოლო მეორე მხარეს არის კრიმინალ სააკაშვილთან გაერთიანებული ოპოზიცია.

"ქართული ოცნება" პასუხისმგებლობით უდგება საქართველოსთვის მნიშვნელოვან საკითხებს, ჩვენი დღის წესრიგი აგებულია ქვეყნის ინტერესების საფუძველზე, ხოლო ოპონენტების ინტერესი ნაკარნახევია პირადად მიხეილ სააკაშვილის და “ნაციონალური მოძრაობის” მიერ,"- განაცხადა ღუდუშაურმა.

შეგახსენებთ, გუშინ კრისტიან დანიელსონის მედიაციით გამართული შეხვედრა ხელისუფლებას და ოპოზიციას შორის უშედეგოდ დასრულდა. კრისტიან დანიელსონის განცხადებით, მათ მიერ მომზადებული დოკუმენტი არც ერთმა პოლიტკურმა პარტიამ არ მიიღო.

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 19.05.2022
ზვიად გუბელაძე - გაჟღერებული ბრალდებები, თითქოსდა ნიკა გვარამიას ტელევიზიის  ბალანსზე არსებული ავტომობილით სარგებლობის გამო მიესაჯა თავისუფლების აღკვეთა, არ შეესაბამება სიმართლეს და მიზნად ისახავს საზოგადოების შეცდომაში შეყვანას
ნიკოლოზ ვაშაკიძე - არსებული ხელისუფლება წამოადგენს მთავარ დაბრკოლებას ქვეყანა პოლიტიკურად განახლებული და მომზადებული შეხვდეს კარდინალურ ცვლილებებს რეგიონში და მსოფლიოში
ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა
„გალერეა დემასში“ პრემიუმ ხარისხის ევროპული სლებების ასორტიმენტი განახლდა
Urban Hotel-ი მარტის დასაწყისიდან უკრაინელ დევნილებს მასპინძლობს
სიმსუქნის ქირურგიული მკურნალობა - ბარიატრიული ოპერაციები ბოჭორიშვილის კლინიკაში