თბილისის მერი კახა კალაძე ანსამბლ „რუსთავის" დამფუძნებლის, ანზორ ერქომაიშვილის გარდაცვალების გამო მწუხარებას გამოთქვამს და გარდაცვლილის ოჯახს, მეგობრებს უსამძიმრებს.

„ვწუხვარ ცნობილი ქართველი მუსიკოსის, ანსამბლ „რუსთავის" დამფუძნებლის, ანზორ ერქომაიშვილის გარდაცვალების გამო. დიდია მისი წვლილი ქართული ფოლკლორის განვითარებაში.

სამშობლოზე უზომოდ შეყვარებული კიდევ ერთი ადამიანი დააკლდა საქართველოს.

მთელი გულით ვიზიარებ ბატონი ანზორის ოჯახის, მისი მეგობრების, მთელი საქართველოს მწუხარებას!“,-აღნიშნავს კალაძე.

ცნობისთვის, 81 წლის ასაკში ანსამბლ „რუსთავის“ დამფუძნებელი ანზორ ერქომაიშვილი გარდაიცვალა. ანზორ ერქომაიშვილი კორონავირუსის დიაგნოზით თსსუ-ს პირველ საუნივერსიტეტო კლინიკაში იყო მოთავსებული. ის მართვით სუნთქვაზე იმყოფებოდა.