საქართველოს პრეზიდენტი სალომე ზურაბიშვილი ანზორ ერქომაიშვილის ოჯახს სამძიმარს უცხადებს.

„დიდია ჩემი მწუხარება! ბატონ ანზორ ერქომაიშვილის გარდაცვალებას ვუსამძიმრებ მის მეუღლეს, ლალის, მთელ ოჯახსა და ჩვენს საზოგადოებას. დიდი თუ პატარა, ყველა ვაცნობიერებთ, რა დიდი დანაკლისი განიცადა დღეს ქართულმა კულტურამ. პირადად ჩემთვის, ახალგაზრდობიდან, პარიზის ემიგრაციის წლებიდან, ბატონი ანზორი ქართული სიმღერისა და გალობის, ანუ ქართული სულის განსახიერება იყო. წლები გავიდა და ვამაყობ იმით, რომ შემიძლია დღეს იგი ჩემს უფროს მეგობრად ვახსენო“, - ნათქვამია საქართველოს პრეზიდენტის სამძიმარში.