ირაკლი ღარიბაშვილსა და ბიზნეს ასოციაციის წარმომადგენლებს შორის შეხვედრა მიმდინარეობს

მთავრობის ადმინისტრაციაში საქართველოს პრემიერ-მინისტრ ირაკლი ღარიბაშვილსა და ბიზნესასოციაციის წარმომადგენლებს შორის შეხვედრა იმართება.

როგორც შეხვედრამდე საქართველოს ბიზნეს ასოციაციის პრეზიდენტმა სოსო ფხაკაძემ განაცხადა, დღეს ძირითადად მაკროეკონომიკურ საკითხებს განიხილავენ, შემდეგ კი ფორმატი გაფართოვდება და პროცესში ეკონომიკის სხვა სექტორის წარმომადგენლებიც ჩაერთვებიან.

„ეს არის პირველი შეხვედრა ახალ პრემიერთან. ჩვენი მხრიდან ვიქნებით ძირითადად მაკროეკონომისტები და ფოკუსირებული ვიქნებით მაკროეკონომიკურ საკითხებზე. შემდეგ გაფართოვდება ფორმატი. ჩვენი ასოციაცია ქვეყანაში ეკონომიკის ყველა სექტორს წარმოადგენს. ამასთან, ამ პროცესში სხვა კომპანიებიც ჩაერთვებიან.

ჩვენ ყველამ ვიცით, რომ სახეზეა მწვავე ეკონომიკური კრიზისი, ამიტომ ბევრი გამოწვევაა. გვინდა, რომ ამ პრობლემებს ერთობლივად მივხედოთ. ყოველთვის ძალიან პროფესიულად, აკადემიურად და ობიექტურად ვაყენებთ საკითხებს და დღევანდელი დღეც ასეთი იქნება. შევეცდებით ყველა მწვავე პრობლემატური საკითხის გაშუქებას. დღეს იქნება მხოლოდ მაკროეკონომიკურ საკითხებზე ფოკუსირება, შემდეგ კი ჩაიშლება თემატიკის მიხედვით”,- განაცხადა ფხაკაძემ.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 12.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით