აჭარაში კორონავირუსის საწინააღმდეგო ვაქცინა „ფაიზერი" 84 პირმა გაიკეთა, ხოლო „ასტრაზენეკა" - 505-მა.

როგორც აჭარის ჯანდაცვის სამინისტროში განაცხადეს, „ფაიზერით" ვაქცინაციისთვის 1260 ჯავშანია გაკეთებული, ხოლო „ასტრაზენეკასთვის" - 88.

უწყების ინფორმაციით, აჭარაში გასული 24 საათის განმავლობაში კორონავირუსის 50 ახალი შემთხვევა გამოვლინდა.

კრიტიკულად მძიმედ, მართვით სუნთქვაზე ერთი პაციენტი იმყოფება, იგი ბათუმის რესპუბლიკურ საავადმყოფოში არის მოთავსებული.