პარლამენტის პლენარულ სხდომას ოპოზიციონერი ვიცე-სპიკერი ლევან იოსელიანი უძღვება

პარლამენტის პლენარულ სხდომას ოპოზიციონერი ვიცე-სპიკერი ლევან იოსელიანი უძღვება.

სხდომა პარლამენტის თავმჯდომარემ არჩილ თალაკვაძემ გახსნა. რეგისტრაციის გავლისა და დღის წესრიგის დამტკიცების შემდეგ, პარლამენტის თავმჯდომარის სავარძელი ლევან იოსელიანმა დაიკავა.

ლევან იოსელიანმა, როგორც პარლამენტის პლენარული სხდომის წამყვანმა, რეგლამენტით მინიჭებული უფლებით ისარგებლა და გამოყო 30 წუთი 1991 წლის 31 მარტს ჩატარებული რეფერენდუმის საიუბილეო თარიღთან დაკავშირებით პოლიტიკური განცხადებებისთვის.

"ჩემთვის ძალიან დიდი პატივია, ვიჯდე ამ სავარძელში და ვუძღვებოდე სხდომას 31 მარტს, იმ დღეს, როდესაც საქართველოში ჩატარდა რეფერენდუმი, იმ დღეს, როდესაც ამომრჩევლების, ჯერ კიდევ საბჭოთა საქართველოს მოქალაქეების 99%-მა მხარი დაუჭირა ქართული სახელმწიფოს დაბადებას.

ნამდვილად, 30 წლის წინ ამ დღეს დაიბადა ქართული სახელმწიფო. მინდა მადლობა გადავუხადო ჩვენს აფხაზ და ოს ძმებს, რომელთა მონაწილეობითაც შეიქმნა ეს სახელმწიფო. სწორედ მათ დაუჭირეს მხარი ჩვენთან ერთად ქართული სახელმწიფოს შექმნას და მინდა იმედი გამოვთქვა, რომ ეს სახელმწიფო სამომავლოდ იქნება ჩვენი საერთო წარმატების ასპარეზი.

ძალიან მნიშველოვანია და ვერ განვაცალკევებთ ერთმანეთისგან დღევანდელ დღეს და საქართველოს ეროვნული გმირის, საქართველოს პირველი პრეზიდენტის ზვიად გამსახურდიას მონაწილეობას ამ დღესთან დაკავშირებით. რომ არა ის და მერაბ კოსტავა, ეს დღე შეიძლება საერთოდ არ შემდგარიყო. რომ არა ჩვენი დაპირისპირება, რომ არა ის, რაც დღემდე გრძელდება, შეიძლება ზვიად გამსახურდია დღეს აი, აქ, ჩვენთან ერთად მჯდარიყო ამ დარბაზში. დღეს მას 82 წელი შეუსრულდებოდა. ყველა თქვენთაგანს და სრულიად საქართველოს მინდა მივულოცო რეფერენდუმის 30 წლისთავი და მივულოცო საქართველოს პირველი პრეზიდენტის, ეროვნული გმირის დაბადების დღე. მინდა ვისარგებლო შემთხვევით და მსურს რეგლამენტის შესაბამისად, 30 წუთი დავუთმოთ დღევანდელი დღის მნიშვნელობასთან დაკავშირებით გამოსვლებს“, - განაცხადა იოსელიანმა.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა