ანა ნაცვლიშვილი - მედიატორს არ უთქვამს, რომ კარი დაიხურა - ჩვენ არ ვფიქრობთ, რომ მოლაპარაკების და საერთაშორისო მექანიზმების ჩართულობა ამ პროცესში ამოწურულია

საკითხები, რომელიც ამ შეთანხმებაში მედიატორმა ჩადო, იმდენად საბაზისო არის, რომ მე როგორც ამ ქვეყნის მოქალაქეს თავზარიც კი მეცემა ასეთ ელემენტარულ საკითხებზე ამდენი მედიაციაა საჭირო, რომ ხელისუფლებამ მის შესრულებაზე ვალდებულება აიღოს , - ამის შესახებ „ლელოს“ წევრმა ანა ნაცვლიშვილმა განაცხადა, რითაც ხელისუფლებასა და ოპოზიციას შორის მოლაპარაკებების მეორე რაუნდის უშედეგოდ დასრულებას გამოეხმაურა.

მისი თქმით, ამ პროცესში საერთაშორისო მექანიზმების ჩართულობა გაგრძელდება და აღნიშნა, რომ შეთანხმების მიღწევა ქვეყნის წინსვლისთვის აუცილებელია.

„ვფიქრობ, რომ საერთაშორისო მექანიზმების რესურსი ამოწურული არ არის. პირველი რაუნდი სრულიად ნულოვანი შედეგით დასრულდა. იყო გარკვეული საკითხები, რომელზეც ყინული დაიძრა. რიგი საკითხები, რომელიც ამ შეთანხმებაში მედიატორმა ჩადო არის იმდენად საბაზისო, რომ მე, როგორც ამ ქვეყნის მოქალაქეს, თავზარიც კი მეცემა ასეთ ელემენტარულ საკითხებზე ამდენი მედიაციაა საჭირო, რომ ხელისუფლებამ მის შესრულებაზე ვალდებულება აიღოს.

გუშინდელი მოლაპარაკება კონკრეტული შეთანხმების გარეშე დასრულდა, თუმცა მედიატორს არ უთქვამს, რომ ეს კარი დაიხურა. ჩვენ არ ვფიქრობთ, რომ მოლაპარაკების და საერთაშორისო მექანიზმების ჩართულობა ამ პროცესში ამოწურულია, პირიქით ვფიქრობ, რომ უფრო მეტი ბერკეტები ამოქმედდება, თუმცა ამის პარალელურად ჩვენ გავაგრძელებთ და კიდევ უფრო ინტენსიურს გავხდით მუშაობას ქვეყნის შიგნით.

ჩვენ მუდმივი კამპანია გვაქვს მოქალაქეებთან და ოპოზიციური სპექტრი აქტიურად მუშაობს მათთან, ამიტომ დიპლომატიური ფორმატები არის ერთ-ერთი და არა ერთადერთი ინსტრუმენტი და ფორმა პოლიტიკური პარტიების ხელში, რომლითაც ჩვენ მოვახდენთ საზოგადოების მობილიზებას იმ მოთხოვნების ირგვლივ, რომელიც იყო შეთანხმებაში და რომელთა მიღწევაც აუცილებელია ამ ქვეყნის ნორმალიზებისთვის და წინ წასვლისთვის“ , - განაცხადა ნაცვლიშვილმა.

ამასთან, ნაცვლიშვილმა აღნიშნა, რომ ევროკავშირი ცდილობს შეთანხმებაში დაეხმაროს მხარეებს და ამ შეთანხმებაში დანარჩენი დამოკიდებული არის პოლიტიკურ სპექტრზე.

„მედიატორი პირდაპირ ამბობდა, რომ ჩვენ აქ არ ვართ იმისთვის, მივიღოთ გადაწყვეტილება, გადაწყვეტილება უნდა მიიღონ ადგილობრივმა ლიდერებმა და პოლიტიკურმა სპექტრმა. ევროკავშირი თავზე ვერ მოგვახვევს და არ მოგვახვევს თავისი მუშაობის წესებიდან გამომდინარე რაიმე პირობებს, ის ცდილობს შეთანხმებაში დაეხმაროს მხარეებს, დანარჩენი არის დამოკიდებული ადგილობრივ პოლიტიკურ სპექტრზე, სამოქალაქო საზოგადოებაზე და რაც ყველაზე მნიშვნელოვანია მოქალაქეებზე, რომლებსაც სჭირდებათ სწრაფად ამ კრიზისის განმუხტვა“ , - განაცხადა ნაცვლიშვილმა.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით