ირაკლი კობახიძე ცესკო-ს პროფესიული წევრების სრული შემადგენლობის ხმების 2/3-ით არჩევის ინიციატივაში, საბოტაჟის რისკებს ხედავს

საპარლამენტო უმრავლესობის ლიდერი ირაკლი კობახიძე ცესკოს პროფესიული წევრების სრული შემადგენლობის ხმების 2/3-ით არჩევის ინიციატივაში, რომელიც კრისტიან დენიელსონის მიერ გამოქვეყნებულ დოკუმენტშია ასახული, საბოტაჟის რისკებს ხედავს.

„როდესაც ცესკოს წევრების ასარჩევად მოთხოვნილია ხმების 2/3, ასეთ შემთხვევაში ცესკოს წევრები ოპოზიციის თანხმობის გარეშე ვერ აირჩევიან. მუნიციპალურ არჩევნებამდე ორი ვაკანსია ჩნდება და თუ ოპოზიცია ცესკოს წევრების არჩევას მხარს არ დაიჭერს, ვიღებთ მოცემულობას, როდესაც ოპოზიციას ცესკოში საბოტაჟის განხორციელების შანსი ეძლევა. გვინდოდა კითხვის დასმა და მსჯელობა, ჩნდებოდა თუ არა რისკი იმისა, რომ საპარლამენტო საბოტაჟი ცესკოში გადასულიყო. რა თქმა უნდა რისკები არის!“, - განაცხადა ირაკლი კობახიძემ.

რაც შეეხება გენერალური პროკურორის კვალიფიციური უმრავლესობით არჩევის შეთავაზებას, კობახიძის თქმით, აღნიშნულ საკითხს საკონსტიტუციო ცვლილებები სჭირდება და სახელმწიფოებრივად არასწორია, როდესაც მუდმივი საკონსტიტუციო ნორმები მოკლევადიანად, დიალოგის რეჟიმში იცვლება.

„წამოვიდგინოთ ასეთი რამ, რომ მომდევნო არჩევნებში „ქართულმა ოცნებამ“ პარლამენტში 51 მანდატი აიღო. 2026 წელს ახალი პროკურორია ასარჩევი და “ქართულ ოცნებას“ ძველი პროკურორის დატოვება უნდა. 51 ხმით ძველ პროკურორს დავტოვებთ - ეს არის ნონსენსი. ევროკავშირის არც ერთი ქვეყნის კონსტიტუციაში არ წერია, რომ გენერალური პროკურორები კვალიფიციური უმრავლესობით ირჩევიან“, - განაცხადა ირაკლი კობახიძემ.

ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
ქართული პრესის მიმოხილვა 19.04.2021
ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
დედამიწის დღე 2021: დედამიწის ეკოლოგიური მდგომარეობის აღდგენის უპრეცედენტო შესაძლებლობა
დეველოპერულმა კომპანია "გრადამ" და ფინურმა კომპანია Kone Elevators-მა ურთიერთთანამშრომლობის მემორანდუმს ხელი მოაწერეს
"ევექსი კლინიკებმა" კოვიდგადატანილი პაციენტებისთვის პოსტ-კოვიდ მხარდაჭერის პროგრამა დაიწყო
საოკუპაციო ხაზთან მდებარე სოფელ ნიქოზში პირველი აფთიაქი - "ფარმადეპო" გაიხსნა
„ემბისიმ“ უმსხვილესი შვეიცარული კომპანია Symbiotics-სგან 1,5 მლნ ფინანსური რესურსი მოიზიდა