ლიეტუვის საგარეო საქმეთა მინისტრი - აღელვებული და იმედგაცრუებული ვარ იმით, რომ „ქართულმა ოცნებამ“ და ოპოზიციამ შეთანხმებას ვერ მიაღწიეს
მადლობელი ვარ კრისტიან დანიელსონისა და ევროკავშირის საგარეო ქმედებათა სამსახურის მიერ საქართველოში განხორციელებული მედიაციის მისიის გამო, - ამის შესახებ ლიეტუვის საგარეო საქმეთა მინისტრი გაბრიელიუს ლანდსბერგისი სოციალურ ქსელ „ტვიტერში“ წერს.
მისივე თქმით, მმართველი პარტიასა და ოპოზიციას შორის შეთანხმების მიუღწევლობა მეგობრებსა და პარტნიორებს ცუდ სიგნალს უგზავნის.
„აღელვებული და იმედგაცრუებული ვარ იმით, რომ „ქართულმა ოცნებამ“ და ოპოზიციამ შეთანხმებას ვერ მიაღწიეს. ეს მეგობრებსა და პარტნიორებს ცუდ სიგნალს უგზავნის. საჭიროა დაფიქრება,“- წერს ლიეტუვის საგარეო უწყების ხელმძღვანელი.
