„მედკაპიტალის“ გენერალური დირექტორი გარდაცვლილ ექიმზე - გარკვეული ქრონიკული დაავადებების გამწვავება მოხდა, თუ არ ვცდები მიზეზი გულ-სისხლძარღვთა დაავადებაა

„მედკაპიტალის“ გენერალური დირექტორის, ზაზა ჯაფარიძის განცხადებით, კლინიკის ექიმის გარდაცვალება კორონავირუსის ვაქცინაციას არ უკავშირდება.

როგორც მან “პალიტრანიუსის” ეთერში, გადაცემაში „პოლიტნიუსი“ განაცხადა, ვაქცინაციის შემდეგ ექიმი სამუშაო გარემოს დაუბრუნდა.

“გულისტკივილს გამოვხატავ, რომ ჩვენი კლინიკის ერთ-ერთი წამყვანი თანამშრომელი გარდაიცვალა. რაც შეეხება ბმას, ვერც მე და არ მგონია არსებობდეს ექიმი, რომელიც ვაქცინაციას დაუკავშირებდა ამ ექიმის გარდაცვალებას. რამდენადაც ვიცი, გარკვეული ქრონიკული დაავადებების გამწვავება მოხდა, რამდენიმე დღე დაყოვნდა იგი თბილისის ერთ-ერთ კლინიკაში, ამის შემდეგ გარდაიცვალა, თუ არ ვცდები მიზეზი გულ-სისხლძარღვთა დაავადება უნდა იყოს.

ქრონიკული დაავადება არ ნიშნავს ვაქცინაციისთვის უკუჩვენებას. ვაქცინაცია ჩატარდა 16 რიცხვში და მან, ამის შემდეგ 1 კვირა სამსახურში იარა, პაციენტებს ღებულობდა, საკმაოდ მოთხოვნადი ექიმი გახლდათ. მერვე დღეს აქვს ბიულეტენი აღებული, ჩვენ ვერანარიად ვერ დავაკავშირებთ ამ შემთხვევას ვაქცინაციასთან“, -აცხადებს ზაზა ჯაფარიძე.

როგორც ზაზა ჯაფარიძე განმარტავს, ექიმს, ვაქცინაციის შემდეგ ჯანმრთელობასთან დაკავშირებული რაიმე ჩივილი არ ჰქონდა: „ვაქცინაციის დღიდან მოყოლებული, მას პრობლემა არ ჰქონია, თუ არ ჩავთვლით ქრონიკულ დაავადებას“, - განაცხადა ჯაფარიძემ.

მან ვაქცინაციის მიმდინარეობაზეც ისაუბრა.

წამყვანის კითხვაზე, შესაძლოა, თუ არა, მომხდარი შემთხვევის გამო, კლინიკაში დასაქმებულმა პერსონალმა იმუნიზაციაზე უარი თქვას, ჯაფარიძე აცხადებს, რომ მას არ აქვს მოლოდინი, რომ სამედიცინო პერსონალმა უარი თქვას ვაქცინაციზე.

„ ვერ ვიტყვი, რომ ვაქცინაცა ჩქარი ტემპით დავიწყეთ, მაგრამ დავიწყეთ და იცრებოდნენ ჩვენი ექიმებიც და სხვა ექიმებიც გვაკითხავდნენ. ახალციხის ფაქტის შემდეგ ამბულატრიულ დაწესებულებეში გაჩერდა ვაქცინაცია. ჩვენთან 10 დღეა აღარ ტარდება ვაქცინაცია. სხვა კუთხით, ვერ ვიტყვი, რომ ძალიან დიდი მონდომებაა, თუმცა, ექიმები გამოხატავენ მაინც სურვილს და ნელ-ნელა მსურველთა რაოდენობა იმატებს“,-აცხადებს ზაზა ჯაფარიძე.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 15.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით