თბილისის მერია - ნუცუბიძის III მიკრორაიონში დასასვენებელი პარკის რეაბილიტაცია დაიწყო

ვაკის რაიონის გამგეობის ინფრასტრუქტურული პროექტების ფარგლებში, ნუცუბიძის III მიკრორაიონის IV კვარტლის N1-8 კორპუსების მიმდებარე ტერიტორიაზე დასასვენებელი პარკის სარეაბილიტაციო სამუშაოები დაიწყო.

როგორც „ინტერპრესნიუსს“ თბილისის მერიიდან აცნობეს, ტერიტორიაზე, რომელიც 7 500 კვ. მ ფართობს მოიცავს, რამდენიმე სხვადასხვა ზონა შეიქმნება. მათ შორის, სავარჯიშო სივრცე, სადაც ტრენაჟორები დამონტაჟდება, საბავშვო-გასართობი ზონები - სხვადასხვა ატრაქციონით ფიზიკური აქტივობებისთვის, მოსასვენებელი პავილიონები და სხვა ურბანული ავეჯი. ასევე, პარკის სავალი ბილიკები მოპირკეთდება ფილებით, დამონტაჟდება განათების ქსელი, სასმელი წყლის ე.წ. „სოკო“. გარდა ამისა, ტერიტორიაზე გამწვანების სამუშაოები შესრულდება - დაირგვება სხვადასხვა სახის მცენარეები და ბალახი.

ადგილობრივ მოსახლეობას ვაკის რაიონის გამგებელი დავით კვინიკაძე, საკრებულოს მაჟორიტარ დეპუტატ გიორგი ბირბიჩაძესთან ერთად შეხვდა და პარკის მოწყობის პროექტი გააცნო.

„დავიწყეთ მასშტაბური პროექტის განხორციელება - ადგილობრივების თხოვნით, ნუცუბიძის III მიკრორაიონში განთავსებულ დიდ პარკს ჩაუტარდება სრული რეაბილიტაცია. საკმაოდ დიდი ტერიტორიაა, სადაც მიმდებარე კორპუსების სხვადასხვა ასაკის მცხოვრებლები ხშირად იკრიბებიან. ჩვენი პროექტის შესაბამისად, გათვალისწინებულია ყველა ამ ადამიანის ინტერესი და მოთხოვნა. კეთილმოწყობილ და გამწვანებულ გარემოში შექმნილი იქნება ყველა პირობა სასიამოვნო და კარგი დასვენებისთვის“, - განაცხადა დავით კვინიკაძემ.

თბილისის მერიის ინფორმაციით, პარკის განახლების პროექტების ღირებულება 984 000 ლარს შეადგენს.

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 19.05.2022
ზვიად გუბელაძე - გაჟღერებული ბრალდებები, თითქოსდა ნიკა გვარამიას ტელევიზიის  ბალანსზე არსებული ავტომობილით სარგებლობის გამო მიესაჯა თავისუფლების აღკვეთა, არ შეესაბამება სიმართლეს და მიზნად ისახავს საზოგადოების შეცდომაში შეყვანას
ნიკოლოზ ვაშაკიძე - არსებული ხელისუფლება წამოადგენს მთავარ დაბრკოლებას ქვეყანა პოლიტიკურად განახლებული და მომზადებული შეხვდეს კარდინალურ ცვლილებებს რეგიონში და მსოფლიოში
ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა
„გალერეა დემასში“ პრემიუმ ხარისხის ევროპული სლებების ასორტიმენტი განახლდა
Urban Hotel-ი მარტის დასაწყისიდან უკრაინელ დევნილებს მასპინძლობს
სიმსუქნის ქირურგიული მკურნალობა - ბარიატრიული ოპერაციები ბოჭორიშვილის კლინიკაში