ნიკა გვარამიას, კახაბერ დამენიასა და ზურაბ იაშვილის სასამართლო პროცესზე ბრალდების მხარის მიერ წარდგენილი მტკიცებულებები გამოიკვლიეს

თბილისის საქალაქო სასამართლოში “მთავარი არხის” ერთ-ერთი დამფუძნებლის ნიკა გვარამიას, კახაბერ დამენიასა და ზურაბ იაშვილის პროცესი დასრულდა.

დღევანდელ სასამართლო სხდომაზე ბრალდების მხარის მიერ წარმოდგენილი მტკიცებულებები გამოიკვლიეს და მათ დაშვებაზე იმსჯელეს. სასამართლო პროცესს სამივე ბრალდებული უფლებადამცველებთან ერთად ესწრებოდა.

დაცვის მხარემ შუამდგომლობის სახით, საქმეში ,,საერთაშორისო გამჭვირვალობა საქართველოს” მიერ გამოქვეყნებული შეფასების დამატებით მტკიცებულებად დართვა მოითხოვა, რაც მოსამართლემ არ დააკმაყოფილა.

ნიკა გვარამიას ადვოკატი დიმიტრი საძაგლიშვილის განცხადებით, ნიკა გვარამიას დევნა პოლიტიკური მოტივაციით ხდება ,,მიუხედავად იმისა, რომ ნიკა გვარამია პოლიტიკოსი არ არის”.

,,საერთაშორისო გამჭვირვალობა საქართველომ” გამოაქვეყნა შეფასება ნიკა გვარამიას წინააღმდეგ მიმდინარე სისხლის სამართლის საქმესთან დაკავშირებით. ამ შეფასების თანახმად, არანაირი სამართლებრივი საფუძველი არ გააჩნია ნიკა გვარამიასთვის წარდგენილ ბრალდებებს. სასამართლოს მივმართეთ შუამდგომლობით, რომ ეს შეფასებები დართულიყო საქმის მასალებს, თუმცა სასამართლომ არ დააკმაყოფილა ჩვენი შუამდგომლობა. მოსამართლემ განმარტა, რომ წარდგენილი მტკიცებულება არ აკმაყოფილებს მტკიცებულებით სტანდარტს და ფაქტების სამართლებრივ შეფასებას თავად გააკეთებს.

აღსანიშნავია, რომ ამ საქმეში ეს არ არის ერთადერთი შეფასება ასევე წარდგენილი ადამიანის უფლებათა ცენტრის და სახალხო დამცველის სასამართლო მეგობრის მოსაზრება და აკადემიური წრის წამრომადგენლის მიერ გაკეთებული შეფასება სასამართლო მეგობრის სახით. ყველა ეს სუბიექტი საუბრობს ნიკა გვარამიასადმი წარდგენილი ბრალის აბსურდულობაზე და პოლიტიკური მოტივაციით ხდება მისი დევნა მიუხედავად იმისა, რომ ნიკა გვარამია პოლიტიკოსი არ არის”, - აღნიშნა დიმიტრი საძაგლიშვილმა.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა