"ლელო" - აშშ-ის სახელმწიფო დეპარტამენტის 2020 წლის ანგარიშში, მამუკა ხაზარაძის, ბადრი ჯაფარიძის და ავთანდილ წერეთლის საქმე შეფასებულია, როგორც პოლიტიკურად მოტივირებული

აშშ-ის სახელმწიფო დეპარტამენტის 2020 წლის ანგარიშში მოხვდა, რამდენიმე გახმაურებული სისხლის სამართლის საქმე და მათ შორის მნიშვნელოვანი ადგილი აქვს დათმობილი მამუკა ხაზარაძისა და ბადრი ჯაფარიძის, საკითხს. ამის შესახებ ინფორმაციას "ლელო" ავრცელებს.

მათი ინფორმაციით, აშშ-ის სახელმწიფო დეპარტამენტის 2020 წლის ანგარიშში მოყვანილია 20 არასამთავრობო ორგანიზაციის დეტალური ანალიზი და დასკვნები, მათ შორის TI Georgia, “ფონდი ღია საზოგადოება”, “საქართველოს ატლანტიკური საბჭო”, და “საერთაშორისო საზოგადოება სამართლიანი არჩევნების და დემოკრატიისთვის” (International Society for Fair Elections and Democracy) რომლებიც წაყენებულ ბრალდებებს განიხილავენ, როგორც პოლიტიკურად მოტივირებულს.

"აშშ-ის სახელმწიფო დეპარტამენტის 2020 წლის ანგარიშში ნათქვამია, რომ მამუკა ხაზარაძის და ბადრი ჯაფარიძის სასამართლო, 2019 წლის დეკემბერში დაიწყო. გენერალური პროკურორის მიერ ბრალდებები აღიძრა 2019 წლის ივლისში, რამდენიმე კვირის თავზე, მას შემდეგ, რაც მამუკა ხაზარაძემ საზოგადოებრივი მოძრაობის შექმნის შესახებ განაცხადა. ხაზარაძემ შექმნა მოძრაობა „ლელო“, რომელიც დეკემბერში დაფუძნდა, როგორც პოლიტიკური პარტია.

სახელმწიფო დეპარტამენტის 2020 ანგარიშში დეტალურად არის განხილული პარტია „ლელოს“ ლიდერებისა და "ტვ1" -ის დამფუძნებლის საქმე. ანგარიშში მოყვანილია მიმდინარე პროცესის ყველა დეტალი. მათ შორის საუბარია "ტვ1"-ის დამფუძნებლებზე - წერეთლის ვაჟი იყო დამოუკიდებელი არხის, "ტვ პირველის" მეპატრონე, რომელიც ხელისუფლებას ტელევიზიის საქმეებში ჩარევაში ადანაშაულებდა (იხ. სექცია 2ა). 2019 წლის აგვისტოში გენერალური პროკურორის ოფისმა ავთანდილ წერეთელს ბრალი წაუყენა ხაზარაძისა და ჯაფარიძის მხარდაჭერისთვის ფულის შესაძლო გათეთრებაში.

20 არასამთავრობო, მათ შორის TI Georgia, “ფონდი ღია საზოგადოება”, “საქართველოს ატლანტიკური საბჭო”, და “საერთაშორისო საზოგადოება სამართლიანი არჩევნების და დემოკრატიისთვის” (International Society for Fair Elections and Democracy) წაყენებულ ბრალდებებს განიხილავენ, როგორც პოლიტიკურად მოტივირებულს.

აპრილში, ომბუდსმენის 2019 წლის ანგარიში აცხადებდა, რომ საქმის ფაილებში არ იყო არავითარი სამხილი 2019 წლის ივლისის ბრალდებისთვის 2008 წელს განხორციელებულ ფულის გათეთრებაზე", -ნათქვამია ინფორმაციაში.

ლელოს ინფორმაციით, აშშ-ის სახელმწიფო დეპარტამენტის 2020 წლის ანგარიშში ნათქვამია, რომ 14 მაისს, TI Georgia-მ გამოსცა საერთაშორისო ექსპერტის შეფასება, რომლის თანახმად მამუკა ხაზარაძის, ბადრი ჯაფარიძის ან ავთანდილ წერეთლის მიერ ფულის გათეთრების არავითარი მტკიცებულება არ მოიპოვებოდა, ან ინდივიდუალურად, ან როგორც თანამზრახველებისა.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო