თბილისის საერთაშორისო აეროპორტში ამ წუთებში სამოქალაქო აქტივისტები იმყოფებიან, რომლებიც რუსი ჟურნალისტის ვლადიმერ პოზნერის და მისი სტუმრების თვითმფრინავით გაფრენას ელოდებიან.

როგორც „ინტერპრენსიუსს“ აქტივისტებმა განუცხადეს, ისინი აეროპორტის „ვიაიპ“ გასასვლელთან დახვდნენ პოზნერსა და მის მეგობრებს, რომელთა მისამართითაც კვერცხები ისროლეს.

ადგილზე მობილიზებულია პოლიცია.

შეგახსენებთ, რომ აეროპორტში მისვლამდე რუსი ჟურნალისტი ვლადიმერ პოზნერი მის სტუმრებთან ერთად სასტუმრო „რუმსში“ იმყოფებოდა. მათ სასტუმრო აქტივისტების შეძახილების ფონზე პოლიციის კორდონის საშუალებით, ავტობუსით დატოვეს.

იხილეთ ვიდეო:აქტივისტების განცხადებით, ვლადიმერ პოზნერი და მისი სტუმრები თვითმფრინავში ჩასხდნენ