ირაკლი ქადაგიშვილი - როცა რაღაცას ვაპროტესტებთ, ეს პროტესტი არ უნდა გახდეს კარგი საბაბი რუსეთისთვის, საქართველოსთვის დამატებითი უკანონო სანქციების შემოღების

როცა რაღაცას ვაპროტესტებთ, ეს პროტესტი არ უნდა გახდეს კარგი საბაბი რუსეთისთვის, საქართველოსთვის დამატებითი უკანონო სანქციების შემოღებისა, - ასე ეხმაურება საპარლამენტო უმრავლესობის წევრი ირაკლი ქადაგიშვილი ჟურნალისტებთან, რუსი ჟურნალისტის, ვლადიმერ პოზნერისა და მისი სტუმრების საქართველოში ჩამოსვლასთან დაკავშირებით ქართული საზოგადოების ნაწილისგან გამოხატულ პროტესტს.

მისივე თქმით, როგორც აღმოჩნდა, პოზნერი 2008 წლის მერე რამდენიმეჯერ იყო ჩამოსული საქართველოში, თუმცა მაშინ ეს არც ერთ სამოქალაქო აქტივისტს არ გაუპროტესტებია.

„ის, რომ რუსეთის, აშშ - ის თუ საფრანგეთის მოქალაქე, რომელიც იყო ჩამოსული საქართველოში და რომელსაც არ დაურღვევია „ოკუპირებული ტერიტორიების შესახებ კანონი“, მას ფორმალურად ჰქონდა საქართველოში შემოსვლის უფლება. რაც შეეხება პროტესტს, ყველას აქვს პროტესტის გამოთქმის უფლება, კარგად უნდა გავითვალისწინოთ ისიც, რომ ჩვენი პროტესტი იყოს მხოლოდ და მხოლოდ პროტესტი და არ იყოს ჰიპოთეტურად მაინც საბაბი იმისთვის, რომ რუსეთმა თავისი უკანონო სანქციების საშუალებად აღიქვას ეს. ამასაც ანგარიში უნდა გავუწიოთ.

რაც შეეხება „კომენდანტის საათის“ დარღვევას, როგორც ვიცი ის პირებიც და დაწესებულებაც, სადაც დაირღვა, დაჯარიმდა. ეს ადამიანი, როგორც აღმოჩნდა, 2008 წლის მერე რამდენიმეჯერ იყო ჩამოსული საქართველოში, არც ხელისუფლებას და იმ სამოქალაქო აქტივისტს, ეს არ გაუპროტესტებია. ამიტომ ვამბობ, რომ როცა რაღაცას ვაპროტესტებთ, გავაპროტესტოთ რაღაცა და ნუ გვინდა, რომ ეს პროტესტი გავხადოთ ხელისუფლების საწინააღმდეგო ქმედებად და მეორე, როცა რაღაცას ვაპროტესტებთ, ეს პროტესტი არ უნდა გახდეს კარგი საბაბი რუსეთისთვის, საქართველოზე დამატებითი უკანონო სანქციების შემოღებისა, რაც ერთხელ მოხდა - ფრენების აკრძალვა,"- განაცხადა ქადაგიშვილმა.

ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს