საერთაშორისო სარეიტინგო სააგენტომ - Fitch Ratings თიბისი ბანკის გრძელვადიანი საკრედიტო რეიტინგის პროგნოზი გააუმჯობესა და მას „სტაბილურის“ სტატუსი მიანიჭა, ხოლო ბანკის გრძელვადიანი რეიტინგი (IDR) კი, კვლავ “BB” - ზე დაადასტურა. ამის შესახებ ინფრომაციას „თიბისი ბანკი“ ავრცელებს.
მათი ინფორმაციით, სტაბილური პროგნოზი თიბისი ბანკის საკრედიტო პორტფელზე კოვიდ პანდემიისგან გამოწვეული კრიზისის შემცირებულ ზეგავლენას ასახავს.
როგორც „თიბისი ბანკში“ აცხადებენ, აღნიშნული სარეიტინგო სააგენტო მიიჩნევს, რომ თიბისი ბანკი არსებულ გამოწვევას კაპიტალის ჯანსაღი ბუფერით და კარგი ფინანსური მაჩვენებლებით შეხვდა. შესაბამისად, Fitch Ratings-ის მოლოდინით, თიბისი ბანკის მომგებიანობა საკმარისი იქნება პანდემიის შედეგად მიღებული შესაძლო საკრედიტო დანაკარგების ასათვისებლად, ისე რომ ბანკის ფინანსურ პროფილს საფრთხე არ შეექმნას.