გლდანის პირველი მიკრორაიონის N10 და N11 კორპუსების მიმდებარედ, რეკრეაციული სივრცე და მინი სპორტული მოედანი მოეწყობა

გლდანის რაიონის გამგეობის მიერ, პირველი მიკრორაიონის N10 და N11 კორპუსების მიმდებარედ, დაახლოებით, 2 000 კვადრატულ მეტრ ფართობზე რეკრეაციული სივრცისა და მინი სპორტული მოედნის მოწყობა იწყება. ამის შესახებ ინფორმაციას თბილისის მერია ავრცელებს.

როგორც ინფორმაციაშია აღნიშნული, სამუშაოების განხორციელების შედეგად, დასასვენებელი, ფიტნეს ზონა და სპორტული მოედანი მოეწყობა. დაიგება ბალახი, დამონტაჟდება გარე განათების სისტემა, ღია სივრცის ტენისის მაგიდა, განთავსდება სასმელი წყლის სოკო და საქანელა სკამები, ასევე, სკვერისთვის საჭირო სხვა ინფრასტრუქტურა.

თბილისის მერიის ინფორმაციით, სამუშაოებისთვის გამგეობის ბიუჯეტიდან 269 999 ლარი არის გათვალისწინებული.

მათივე ინფორმაციით, აღნიშნულ ტერიტორიაზე არსებული ძველი სპორტული მოედანი წლების განმავლობაში კერძო საკუთრებაში იყო. ადგილმონაცვლეობის შედეგად, ტერიტორია თბილისის მუნიციპალიტეტს გადაეცა. ამის შემდეგ, მოსახლეობასთან შეთანხმებით, გაკეთდა პროექტი და ამჟამად, გამგეობა სკვერისა და მინი სპორტული მოედნის მოწყობის სამუშაოებს იწყებს.

ამასთან, გლდანის რაიონის გამგებლის მოადგილე კონსტანტინე ზარნაძე მოსახლეობას შეხვდა და სამუშაოების დაწყების შესახებ ინფორმაცია მიაწოდა.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით