გუბაზ სანიკიძე ღარიბაშვილის განცხადებაზე - რამდენჯერ თქვეს: დაკეტილია თემა, დახურულია, გადაშლილია ფურცელი და შემდეგ რამდენჯერ მოსულან ლეკვებივით

პოლიტიკოს გუბაზ სანიკიძის განცხადებით, მედიაციის პროცესი უშედეგოდ არ დასრულებულა, რადგან შედეგად პარტნიორები მიხვდებიან, რომ პოლიტიკურ ძალასთან კი არ აქვთ საქმე, არამედ ბანდასთან, რომელიც ყველაფერს კადრულობს. როგორც მან „პალიტრანიუსის“ გადაცემა „ნიუსრუმში“ აღნიშნა, დასავლელი პარტნიორები ამ დრომდე თავისი წესიერების ხარისხით საზღვრავდნენ საქართველოში მიმდინარე პროცესებს და მეტად ზედაპირულები იყვნენ და ახლა უფრო ღრმად ჩაიხედეს საკითხში.

„მედიაციას გადასარევი შედეგი აქვს, იმიტომ, რომ ჩვენი პარტნიორები ცოტა გამოერკვევიან, რა ხდება, როგორ ხდება. აქამდე თავისი წესიერების ხარისხით საზღვრავდნენ, რომ ორი მხარეა და რაღაცებში ვერ თანხმდებიან, მიკერძოებულები არ იყვნენ, უბრალოდ ზედაპირულები იყვნენ, სიღმეებს არ იცნობდნენ, ახლა უფრო გაერკვევიან, სიღრმეებში ჩაიხედავენ, მიხვდებიან, რომ პოლიტიკურ ძალასთან კი არ აქვთ საქმე, „ქართული ოცნების“ სახით, არამედ ბანდასთან აქვთ საქმე, რომელიც ყველაფერს კადრულობს. ამიტომ ყველაფერი თავის ადგილზე დგება, არ არის ეს პროცესი უშედეგო, მშვენიერი შედეგია,“- განაცხადა სანიკიძემ.

მისივე თქმით, თუ ხელისუფლებას ოპოზიციასთან მოლაპარაკების მაგიდასთან ჯდომა აღარ სურს, მაშინ საქმეს მიხედოს და ქვეყანა კრიზისიდან გამოიყვანოს, წინააღმდეგ შემთხვევაში მას პასუხი მოეთხოვება.

„აბა, ერთი ჩვენ გვკითხონ თუ არის საინტერესო მათთან ჯდომა, მიხედონ ქვეყანას, ხომ არიან მაგრები. მიდით ბიჭებო, ლარის კურსი გააჩერეთ! ხალხი დააპურეთ! გააკეთეთ, მიდით საქმე, თუ არადა, მერე პასუხს მოგთხოვთ აუცილებლად.

ეგეთი ბიჭები არიან, წინასწარ დააანონსებენ რაღაცებს და მერე უკან იხევენ ხოლმე, რამდენჯერ თქვეს დაკეტილია თემა, დახურულია, გადაშლილია ფურცელი და შემდეგ რამდენჯერ მოსულან ლეკვებივით. მათ ოპტიმიზმსა და მათ სიმყარეს დიდი გამოცდა ელის,“- განაცხადა სანიკიძემ.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება