შალვა პაპუაშვილი ვლადიმერ პოზნერზე - მესაზღვრე სიმპატია-ანტიპატიაზე ვერ მიიღებდა გადაწყვეტილებას შემოსვლა-არშემოსვლასთან დაკავშირებით

მესაზღვრე სიმპატია-ანტიპატიაზე ვერ მიიღებდა გადაწყვეტილებას,- ასე ეხმიანება ჟურნალისტებთან საპარლამენტო უმრავლესობის წევრი შალვა პაპუაშვილი რუსი ჟურნალისტის, ვლადიმერ პოზნერისა და მისი სტუმრების საქართველოში ჩამოსვლასთან დაკავშირებით ქართული საზოგადოების ნაწილისგან გამოხატულ პროტესტს.

მისი თქმით, პოზნერს და მის სტუმრებს ოკუპირებული ტერიტორიების შესახებ კანონი დარღვეული არ ჰქონდათ, ხოლო მათ მიერ კოვიდ რეგულაციების დარღვევას რეაგირება მოჰყვა.

"რაიმე სამართლებრივი საფუძველი მათი ქვეყანაში არშემოშვების არ არის, გარდა იმისა, რომ შეიძლება არსებობდეს პირადი სიმპატია, ანტიპატია და არის ძალიან ცუდი განცხადებები, რომელიც პოზნერს აქვს გაკეთებული, თუმცა მესაზღვრე სიმპატია-ანტიპატიაზე ვერ მიიღებდა გადაწყვეტილებას შემოსვლა-არშემოსვლასთან დაკავშირებით. რაც შეეხება რეაგირებას, მათი შემოსვლა სრულად კანონის ფარგლებში იყო. როგორც კი კანონი დაირღვა, სახელმწიფოს მხრიდან რეაგირება იყო - 2 ათასი ლარით დაჯარიმდა ყველა, ვინც კანონი დაარღვია. ასევე ის დაწესებულება დაჯარიმდა 10 ათასი ლარით, სადაც როგორც ჩანს, წვეულების გამართვა იყო დაგეგმილი,"- განაცხადა პაპუაშვილმა.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით