"ბოლტ ფუდის" თანამშრომლები აქციას მართავენ

სპორტის სასახლესთან "ბოლტ ფუდის" ყოფილი და მოქმედი თანამშრომლები აქციას მართავენ. აქციის მონაწილეების მთავარი მოთხოვნა სამუშაო პირობების გაუმჯობესება და "ბოლტ ფუდის" გათავისუფლებული თანამშრომლების სამსახურში დაბრუნებაა.

აქციის მონაწილეების განცხადებით, იმ შემთხვევაში თუ მათი მოთხოვნები არ დაკმაყოფილდება საპროტესტო აქციებს გააგრძელებენ.

"დღეს "ბოლტ ფუდის" ყოფილი და მოქმედი თანამშრომლები რიგით მე-4 აქციას ვმართავთ. ჩვენ ვითხოვთ, რომ "ბოლტ ფუდის" მხრიდან მოხდეს რაიმე სახის კომუნიკაცია და რეაგირება.

ასევე, ვითხოვთ, სამსახურიდან გათავისუფლებული კურიერების დაბრუნებას. ვითხოვთ, მოგვეცეს უფლება, რომ ვიმუშაოთ ამ რთულ ეკონომიკურ ვითარებაში. იმ შემთხვევაში თუ არ მოხდება გათავისუფლებული თანამშრომლების აღდგენა, სასამართლოს მივმართავთ და სამართლებრივად ვიბრძოლებთ ჩვენი უფლებებისთვის.

ამასთან, ჩვენი მოთხოვნა კვლავ უცვლელი რჩება, რითაც დავიწყეთ ეს აქციები, სამუშაო პირობების, ტარიფების და საბონუსე სისტემის გაუმჯობესება. იმ შემთხვევაში თუ ჩვენი მოთხოვნები არ დაკმაყოფილდება აქციებს გავაგრძელებთ", - განაცხადა აქციის მონაწილემ ირაკლი ქორიძემ.

ამასთან, "ბოლტ ფუდის" კურიერების აქციას სხვადასხვა საკვები ობიექტების წარმომადგენლები, პროფკავშირები და მოძრაობა "ხმა" შეუერთდა. ისინი მათ სოლიდარობას უცხადებენ და ამბობენ, რომ "ბოლტ ფუდის" თანაშრომლების უფლებები ირღვევა და მათი ქმედება მოქმედ თუ ყოფილ თანამშრომლების მიმართ არის უკანონო.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა