კრიტიკას კი არ უნდა უწყობდნენ სახალხო დამცველს, ეს შენიშვნები უნდა გაითვალისწინონ,- ამის შესახებ "მოქალაქეების" ერთ- ერთმა ლიდერმა, ვიცე-სპიკერმა ლევან იოსელიანმა ჟურნალისტებთან განაცხადა.
როგორც მან აღნიშნა, ომბუდსმენის ანგარიშში მნიშვნელოვანი შენიშვნებია გამოქვეყნებული, რაც ხელისუფლებამ უნდა გაიზიაროს.
"ერთ- ერთი ყველაზე მნიშვნელოვანი არის სწორედ ის საკითხი, რასაც ჩვენ ამდენი ხანია ხაზს ვუსვამთ და ვითხოვთ პენსიონერებისთვის პროცენტის შემცირებას. სხვა შენიშვნებს რაც შეეხება, ეს არის პენიტენციურ სისტემაში არსებულ დარღვევებზე, რასაც აბსოლუტურად ვიზიარებთ, საუბარია სასამართლოზე, თქვენ იცით მესამე მოსმენით მიიღეს ცვლილებები და თავისთავად ეს ჩანაწერი შეიძლება იყოს გაუმჯობესება, მაგრამ ის ვერ აუმჯობესებს მთლიანობაში სისტემას და მის მიმართ ნდობას. ეს ვერ უზრუნველყოფს სასამართლო სისტემის იმ ადამიანებისგან გათავისუფლებას, რომლებმაც რეპუტაციულად დაზიანეს ის. ამიტომ ყველა შენიშვნა არის მნიშვნელოვანი და კარგი იქნება თუ „ქართული ოცნება“ ამას პასუხისმგებლობით მიუდგება. კრიტიკას კი არ უნდა უწყობდნენ სახალხო დამცველს, ეს შენიშვნები უნდა გაითვალისწინონ, რადგან ის ეხება ადამიანის უფლებების შელახვას, მიყურადების საკითხებია წამოწეული, რაც ასევე პრობლემაა ჩვენს ქვეყნაში,"- განაცხადა იოსელიანმა.