გიორგი ვაშაძე - პრემიერის ერთადერთი ამოცანაა, შეინარჩუნოს საკუთარი თანამდებობა - ამით არის ნაკარნახევი მისი დესტრუქციული განცხადება

პრემიერის ერთადერთი ამოცანაა, შეინარჩუნოს საკუთარი თანამდებობა. ამით არის ნაკარნახევი მისი ეს დესტრუქციული განცხადება,- ამის შესახებ „სტრატეგია აღმაშენებლის“ ლიდერმა, გიორგი ვაშაძემ განაცხადა, რითაც პრემიერ-მინისტრ ირაკლი ღარიბაშვილის განცხადებას გამოეხმაურა იმის თაობაზე, რომ ხელისუფლება უფლებას იტოვებს ოპოზიციის ახირებას არ აყვეს და უშინაარსო მოლაპარაკებებზე დრო აღარ დაკარგოს.

მისი თქმით, პრემიერ-მინისტრის არასწორი როლი მოლაპარაკების პროცესს კარგად ეტყობა.

„შარლ მიშელთან კონტაქტზე პასუხისმგებელი სწორედ ეს ადამიანი იყო. დაველოდოთ ჩვენ ევროპელ, დასავლელ კოლეგებს. ასეთ მძიმე ვითარებაში, ამ პოლიტიკურ ჩიხში ისინი საქართველოს არ დატოვებენ. მათ ექნებათ საკუთარი მკაფიო პოზიცია ამ საკითხებთან მიმართებაში. ჯერ ჩვენ მზად ვართ მომდევნო რაუნდისთვის, თუმცა ყველაფერი დამოკიდებულია მედიატორებზე, ისინი რა პოზიციას გამოხატავენ“, – განაცხადა ვაშაძემ.

შეგახსენებთ, რომ პრემიერ-მინისტრი ირაკლი ღარიბაშვილი ოპოზიციასთან მოლაპარაკებების საკითხს მთავრობის დღევანდელ სხდომაზე გამოეხმაურა. მან ოპოზიციის პოზიციას ახირება უწოდა და განაცხადა, რომ მთავრობას არ აქვს დრო არაპროდუქტიულ მოლაპარაკებებზე დრო დაკარგოს. „უფლებას ვიტოვებთ, ოპოზიციის ახირებაზე დრო არ დავკარგოთ - ჩვენ არ გვაქვს ამ უშინაარსო და აბსოლუტურად არაპროდუქტიულ მოლაპარაკებებზე დასაკარგი დრო“, - განაცხადა ღარიბაშვილმა.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს