საბა ბუაძე - როცა ამბობ, რომ მოლაპარაკებები არის უსაგნო, უშინაარსო და არასაჭირო, ამით მაგიდას უყირავებ და კარს უხურავ არა ოპოზიციას, არამედ ევროკავშირს

ეს პოლიტიკურად უმწიფარი ადამიანის განცხადებაა, რომელიც მიზნად ისახავს ამ პროცესის გეგმაზომიერ ხელშეშლას, - ასე გამოეხმაურა „ლელოს“ ერთ-ერთი წევრი საბა ბუაძე ტელეკომპანია „პალიტრანიუსის“ გადაცემაში „დღის ნიუსრუმი“ პრემიერ-მინისტრის, ირაკლი ღარიბაშვილის განცხადებას, რომ „ოპოზიციის ახირებაზე, უშინაარსო და არაპროდუქტიულ მოლაპარაკებებზე დროს აღარ დაკარგავენ“.

როგორც ბუაძე განმარტავს, მსგავსი განცხადებები ცხადი საბოტაჟია მოლაპარაკებების პროცესისა.

„ჩვენ ვნახეთ ღარიბაშვილის და კობახიძის მხრიდან განცხადებები, რომ ბატონი დანიელსონი ხელცარიელი მიდიოდა, როდესაც ეს კაცი ჯერ კიდევ საქართველოში იყო. ამის შემდეგ ვნახეთ მეორე ვიზიტამდე ძალიან ცუდი და აგრესიული განცხადებები, რომ შესათანხმებელი არაფერია და ვადამდელი არჩევნები, პოლიტიკური პატიმრების გათავისუფლება არ განიხილება. ახლა უკვე, როცა ეს ადამიანი წავიდა, ირაკლი რაღიბაშვილის ეს განცხადებები ძალიან ცხადი საბოტაჟია მოლაპარაკებების პროცესისა, რომელიც მიმდინარეობს ევროკავშირის და ევროკაშირის საბჭოს პრეზიდენტის, ბატონი შარლ მიშელის პირადი მხარდაჭერით. როცა შენ ამბობ, რომ მოლაპარაკებები არ გაიმართება, ეს არის უსაგნო, უშინაარსო და არასაჭირო, ამით მოლაპარაკებების მაგიდას უყირავებ ევროკავშირს და კარს უხურავ ევროკავშირს. ეს არის ევროკავშირის მიმართ გაკეთებული ძალიან აგრესიული, ცუდი, საშიში განცხადება და არა ოპოზიციის მიმართ“, - განაცხადა ბუაძემ.

მისივე განმარტებით, მოლაპარაკებებს უშედეგოდ არ ჩაუვლია, რადგან 5 პუნქტიდან 3-ზე შედეგი დადგა, დანარჩენ პუნქტებთან მიმართებაში კი პროცესის გაგრძელებაა საჭირო. ბუაძე მიიჩნევს, რომ განცხადებები, რომელიც კეთდება, მოლაპარაკებების გაგრძელებას და ტოქსიკური ფონის მოხსნას ხელს არ უწყობს.

ირაკლი ღარიბაშვილი, რომელიც არის არამხოლოდ პოლიტიკურად გაკოტრებული, არამედ მორალურად გაკოტრებული და ეჭვმიტანილია 15 წლის ბავშვებზე ძალადობაში თანამონაწილეობაში, ჩემი აზრით, ასეთი ყელმოღერებული არ უნდა საუბრობდეს და ის პასუხებს უნდა სცემდეს პროკურატურის მიერ დასმულ შეკითხვებს“, - განაცხადა ბუაძემ.

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 19.05.2022
ზვიად გუბელაძე - გაჟღერებული ბრალდებები, თითქოსდა ნიკა გვარამიას ტელევიზიის  ბალანსზე არსებული ავტომობილით სარგებლობის გამო მიესაჯა თავისუფლების აღკვეთა, არ შეესაბამება სიმართლეს და მიზნად ისახავს საზოგადოების შეცდომაში შეყვანას
ნიკოლოზ ვაშაკიძე - არსებული ხელისუფლება წამოადგენს მთავარ დაბრკოლებას ქვეყანა პოლიტიკურად განახლებული და მომზადებული შეხვდეს კარდინალურ ცვლილებებს რეგიონში და მსოფლიოში
ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა
„გალერეა დემასში“ პრემიუმ ხარისხის ევროპული სლებების ასორტიმენტი განახლდა
Urban Hotel-ი მარტის დასაწყისიდან უკრაინელ დევნილებს მასპინძლობს
სიმსუქნის ქირურგიული მკურნალობა - ბარიატრიული ოპერაციები ბოჭორიშვილის კლინიკაში