რუსეთი ჯარების გადაადგილებას ახორციელებს საკუთარი ტერიტორიის ფარგლებში, საკუთარი შეხედულებისამებრ, ეს არავის ემუქრება და არც არავის უნდა ანაღვლებდეს - ამის შესახებ კრემლის პრესსპიკერმა დიმიტრი პესკოვმა უკრაინის საზღვართან რუსული ჯარების გადაადგილებასთან დაკავშირებით განაცხადა.

აქვე პესკოვმა აღნიშნა, რომ რუსეთი ზომებს იღებს საკუთარი საზღვრების უსაფრთხოების უზრუნველსაყოფად პერიმეტრზე, სადაც ნატოს აქტივობები აღინიშნება.

„თქვენ იცით, რომ რუსეთის საზღვრების პერიმეტრზე გაიზარდა ნატოს წევრი ქვეყნების, სხვა გაერთიანებების და ცალკეული ქვეყნების შეიარაღებული ძალების აქტივობები. ეს ყველაფერი გვავალდებულებს ფხიზლად ვიყოთ“, - განაცხადა პესკოვმა.

მანამდე უკრაინის ხელისუფლებაში განაცხადეს, რომ რუსეთი უკრაინის საზღვრებთან სამხედრო მობილიზებას თანდათან ზრდის, რაც ქვეყნის თავდაცვით უსაფრთხოებას ემუქრება.