"ქართული ოცნების" ოფისთან სამოქალაქო აქტივისტები, "მოძრაობა საქართველოსთვის" წევრები არიან შეკრებილი.

ისინი საქართველოში რუსი ჟურნალისტის ვლადიმერ პოზნერის ვიზიტს აპროტესტებენ.

"ჩვენ, მოძრაობა "საქართველოსთვის”, რომლებმაც რეალურად გუშინ მთელი ღამის პროტესტის შედეგად მოვახერხეთ, რომ ქვეყნიდან გაგვეძევებინა რუსი ოკუპანტები, აქ დემონსტრაციულად ამოვედით და მთელ საზოგადოებას უნდა ვუთხრათ, რომ ყველაფერზე პასუხისმგებლობა ეკისრება “ქართულ ოცნებას”, მთავარ ოკუპანტ ძალას ამ ქვეყნის და ჩვენ აქ მოვედით დემონსტრაციულად, რომ ვაჩვენოთ საზოგადოებას, როგორი შეშინებულები არიან ეს ადამიანები. მესიჯი უნდა იყოს კონკრეტული, რომ საქართველო არასდროს გახდება რუსეთი", - აცხადებს "საქართველოსთვის" ერთ-ერთი ლიდერი გიორგი მუმლაძე.

ადგილზე მობილიზებული არიან სამართალდამცავები.