„თბილისი ენერჯის“ ინფორმაციით, ისანში, ყვარლის ქუჩაზე, ბინაში გაზი ჟონავდა, რა დროსაც ბავშვები ბინაში მარტო იყვნენ

„თბილისი ენერჯის“ ინფორმაციით, ისანში, ყვარლის ქუჩაზე, ბინაში გაზი ჟონავდა, რა დროსაც ბავშვები ბინაში მარტო იყვნენ.

მათივე ინფორმაციით, სწრაფი რეაგირების სამსახურის ნომერზე მეზობელმა დარეკა. შემოწმებისას კი აღმოჩნდა, რომ თავად გაზქურაც დაზიანებული იყო, გაზი ჩაკეტილ მდგომარეობაშიც ჯონავდა, გაზგაყვანილობა კი კუსტარულად იყო დამონტაჟებული.

„ისანში, ყვარლის ქუჩაზე, ბინაში სადაც გაზი ჟონავდა, ბავშვები მარტო იყვნენ. ყურადღებიანი მეზობლის წყალობით და სწრაფი რეაგირების სამსახურის ოპერატიული მოქმედებით, სახლში მარტო დატოვებული ბავშვებიც და მეზობლებიც დიდ უბედურებას გადაურჩნენ.

მეზობელმა როგორც კი სადარბაზოში გაზის სუნი იგრძნო, სწრაფი რეაგირების სამსახურის ნომერზე - 114-ზე დარეკა.

„სადარბაზოში გაზის სუნია“ – ზარი ისნის რაიონიდან, ყვარლის ქუჩიდან შემოვიდა. სწრაფი რეაგირების სამსახური ადგილზე მალე მივიდა. შემოწმდა მთელი სადარბაზო. სპეციალურმა ლაზერულმა აპარატმა გაზის მაღალი კონცენტრაცია პირველ სართულზე მდებარე ერთ-ერთ ბინაში დააფიქსირა.

ბინაში მხოლოდ ბავშვები აღმოჩნდნენ. გაზქურის ონკანი კი ღია მდგომარეობაში იყო, საიდანაც გაზი ჟონავდა. შემოწმებისას ასევე აღმოჩნდა, რომ თავად გაზქურაც დაზიანებული იყო და გაზი ჩაკეტილ მდგომარეობაშიც ჯონავდა. გაზგაყვანილობა კი კუსტარულად იყო დამონტაჟებული. მოკლედ რომ ვთქვათ 114-ის ბიჭებმა თითქმის ყველა საშიში დარღვევა ნახეს რაც ყველა შემთხვევაში აფეთქებას გამოიწვევდა.

ბინა განიავდა და გაზი გადაიკეტა. ბავშვების მშობლებიც მალევე გამოჩნდნენ. მათ გაზის უსაფრთხო მოხმარებაზე გაფრთხილება მიიღეს და ინსტრუქცია ჩაუტარდათ.

ყურადღებიან მეზობელს კი კომპანიის სახელით მადლობას ვუხდით მაღალი მოქალაქეობრივი პასუხისმგებლობისათვის. მას რომ დროულად არ დაერეკა „თბილისი ენერჯის“ სწრაფი რეაგირების ნომერზე 114 ყველაფერი ტრაგედიით დასრულდებოდა.

არ დატოვოთ უყურადღებოდ გაზის დანადგარები. ნუ რისკავთ საკუთარი ოჯახის წევრების და მეზობლების სიცოცხლით

გაზის უსაფრთხო მოხმარებაზე სპასუხისმგებელია აბონენტი. „თბილისი ენერჯი“ ნებისმიერ დროს უფასოდ ამოწმებს თქვენს სახლში გაზის ქსელის უსაფრთხოებას”, - აღნიშნულია გავრცელებულ ინფორმაციაში.

ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს