თბილისის მუნიციპალურმა ინსპექციამ დიდ დიღომში, აღმაშენებლის ხეივანსა და დიღომი 8-ის ტერიტორიაზე, უკანონოდ აშენებული რამდენიმე შენობა-ნაგებობისა და კონსტრუქციის დემონტაჟი განახორციელა.
მუნიციპალური ინსპექციის წარმომადგენლის, ნინო ქავთარაძის ინფორმაციით, მოსახლეობა დემონტაჟის შესახებ 2 თვით ადრე გააფრთხილეს და ყველაფერი კანონის ფარგლებში განხორციელდა. მისივე თქმით, დაინგრა 2 ავტოფარეხი და სამი ღობე.
„მუნიციპალურმა ინსპექციამ რამდენიმე ნაგებობის და დამხმარე კონსტრუქციის დემონტაჟი განახორციელა, რომელიც იყო სახელმწიფო მიწაზე და უკანონოდ მიმდინარეობდა მშენებლობა. რა თქმა უნდა, გაფრთხილება იყო გაკეთებული და ყველაფერი კანონის ფარგლებში მოხდა. ეს იყო 2 ავტოფარეხი და სამი ღობე“, - აღნიშნა ნინო ქავთარაძემ.