ნინო თანდილაშვილი თურქეთის თანამშრომლობისა და კოორდინაციის სააგენტოს კოორდინატორს შეხვდა

გარემოს დაცვისა და სოფლის მეურნეობის მინისტრის მოადგილე ნინო თანდილაშვილი თურქეთის თანამშრომლობისა და კოორდინაციის სააგენტოს (TIKA) კოორდინატორს, ნეჯლა დემირდაროს შეხვდა. ამის შესახებ ინფრომაციას გარემოს დაცვისა და სოფლის მეურნეობის სამინისტრო ავრცელებს.

როგორც ინფორმაციაშია აღნიშნული, ნეჯლა დემირდარომ სატყეო სექტორში თანამშრომლობის, მათ შორის, თურქეთის კატასტროფებისა და საგანგებო სიტუაციების მართვის სამსახურთან (APAD) ერთად, საქართველოში ხანძრის ლიკვიდაციის და პირველადი დახმარების მიმართულებით ტრენინგების ჩატარების სურვილი გამოთქვა.

„ჩვენთვის მნიშვნელოვანია სატყეო სექტორში შესაძლებლობების გაძლიერება. გამოცდილების გაზიარება სპეციალისტებს მავნებლებთან ბრძოლაში და ტყის ხანძრების პრევენციის მიმართულებით ძალიან დაეხმარება”, - განაცხადა ნინო თანდილაშვილმა.

მინისტრის მოადგილემ გარემოსდაცვითი ინფორმაციისა და განათლების ცენტრის და თურქეთის თანამშრომლობისა და კოორდინაციის სააგენტოს (TIKA) შორის წარმატებულ თანამშრომლობაზე გაამახვილა ყურადღება. აღნიშნული თანამშრომლობის ფარგლებში, ტრენინგები მეცხოველეობისა და სურსათის უვნებლობის მიმართულებით ჩატარდა.

ასევე, ნინო თანდილაშვილმა საქართველოში აკვაკულტურის განვითარების საკითხებზეც ისაუბრა და აღნიშნა, რომ თურქეთი ამ სფეროში მოწინავე ქვეყანაა, შესაბამისად, დარგის განვითარებისთვის თურქული მხარის გამოცდილების გაზიარება განსაკუთრებით მნიშნელოვანია.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს